.

அரையிறுதிக்கு முன்னேறினார் சாய்னா-பிரெஞ்சு ஓபன் பேட்மிண்டனில்

பிரெஞ்ச் ஓபன் பேட்மிண்டன் தொடர் பாரீசில் நடைபெற்று வருகிறது. இதில் மகளிருக்கான ஒற்றையர் காலிறுதி ஆட்டத்தில், இந்திய வீராங்கனை சாய்னா நேவால், தாய்லாந்து வீராங்கனை ரட்சனோக்கை எதிர்கொண்டார். துவக்க்ததில் இருந்தே சிறப்பான ஆட்டத்தை வெளிப்படுத்திய சாய்னா, 11-7 முன்னிலையில் இருந்தார். அதன்பின்னர்  ரட்சனோக் ஆக்ரோஷமாக ஆடி புள்ளிகளை பெற்றார்.

ஒருகட்டத்தில் 20-20 என சமநிலையில் இருந்ததால் ஆட்டம் விறுவிறுப்பானது. இருப்பினும் தனது அனுபவ ஆட்டத்திறனால் சாய்னா அந்த செட்டை 22-20 என்ற கணக்கில் வென்றார். இதேபோல் 2-வது செட்டையும் சாய்னா போராடி 22-20 என கைப்பற்றி அரையிறுதிக்கு முன்னேறினார்.

உலகத் தரவரிசையில் 3-ம் இடத்தில் உள்ள சாய்னா, இன்று நடைபெறும் அரையிறுதியில் ஜெர்மனி வீராங்கனை ஜூலியானே செங்க் என்பவருடன் மோதுகிறார். கடந்த வாரம் டென்மார்க் ஓபன் பட்டத்தை கைப்பற்றிய சாய்னா, பிரெஞ்சு ஓபன் பட்டத்தையும் பெறுவார் என அவரது ரசிகர்கள் மிகுந்த எதிர்பார்ப்பில் உள்ளனர்.