.

இலங்கைக்கு எதிரான டெஸ்ட்: வலுவான நிலையில் ஆஸ்திரேலியா- வார்னர், ஹியூக்ஸ் சதத்தை தவறவிட்டனர்

இன்று 2-வது நாள் ஆட்டம் நடந்தது. ஆஸ்திரேலியா முதல் இன்னிங்சை ஆடியது. தொடக்க வீரர் எட்கோவன் 4 ரன்னில் பெவிலியன் திரும்பினார்.ஆஸ்திரேலியா- இலங்கை மோதும் 3-வது மற்றும் கடைசி டெஸ்ட் கிரிக்கெட் போட்டி சிட்னியில் நடைபெற்று வருகிறது. இலங்கை அணி முதல் இன்னிங்சில் 294 ரன்னில் ஆல்அவுட் ஆனது. திரிமன்னே 91 ரன்னும், கேப்டன் ஜெயவர்த்தனே 72 ரன்னும் எடுத்தனர். ஜேக்சன் பேர்டு 4 விக்கெட்டும், ஸ்டார்க் 3 விக்கெட்டும், சிடில் 2 விக்கெட்டும் கைப்பற்றினார்கள்.

3-வது விக்கெட்டான வார்னர்- ஹியூக்ஸ் ஜோடி இலங்கை பந்து வீச்சை சிறப்பாக எதிர்கொண்டு ஆடியது. அபாரமாக ஆடிய இருவரும் சதத்தை தவற விட்டனர். வார்னர் 85 ரன்னிலும், ஹியூக்ஸ் 87 ரன்னிலும் ஆட்டம் இழந்தனர்.

அதன்பின் வந்த கேப்டன் 50 ரன்னிலும், ஹசி 25 ரன்னிலும் அவுட்டாகினர். 2-வது நாள் ஆட்ட முடிவில் ஆஸ்திரேலியா 6 விக்கெட் இழப்பிற்கு 342 ரன்கள் எடுத்துள்ளது. இது இலங்கை அணியை விட 48 ரன்கள் அதிகமாகும். வதே 47 ரன்களுடனும், சிடில் 16 ரன்களுடனும் களத்தில் உள்ளனர்.