.

’உண்மையை சொல்லட்டுமா?’ - அஞ்சலியை மிரட்டும் களஞ்சியம்!

அஞ்சலியையும் அவருடன் பொது நிகழ்ச்சிகளுக்கும், ஷூட்டிங் ஸ்பாட்டுக்கும் வந்த பாரதி தேவியையும் பார்த்தவர்கள், அவர்களை தாய்-மகள் என்பதைவிட சகோதரிகள் என்று தான் சொல்வார்கள். அவ்வளவு கேஷுவலாக இருந்தவர்களுக்கிடையில் இப்படி ஒரு நெருப்பா? என்று ஆச்சர்யத்தில் மூழ்கியிருக்கிறது கோடம்பாக்கம்.

’பாரதி தேவி என் தாயல்ல சித்தி. என் தாயும்-தந்தையும் ஆந்திராவில் இருக்கிறார்கள். நான் இருக்கும் இடத்தையும், என் பெற்றோர்கள் இருக்குமிடத்தையும் இப்போது கூறினால் எங்கள் உயிருக்கு ஆபத்து ஏற்பட வாய்ப்பிருக்கிறது. எங்களுக்கு எந்த ஆபத்து நேர்ந்தாலும் அதற்கு முழு காரணம் பாரதிதேவியும், இயக்குனர் களஞ்சியமும் தான்” என்று அழுது புலம்பினாராம் ஹைதராபாத்தில் இருந்து ஃபோன் செய்த அஞ்சலி. 

எதிர்பாராத சமயத்தில் அஞ்சலி வெடித்துவிட்டாரோ என்னவோ! இன்று(09.04.13) காலை கமிஷனர் அலுவலகத்திற்கு வந்த இயக்குனர் களஞ்சியம் வழக்கமான ஆக்ரோஷம் இல்லாமல் அமைதியாகவே காணப்பட்டார். களஞ்சியம் அளித்துள்ள பேட்டியில் “ அஞ்சலி கூறுவது முழுப் பொய். அவர் கூறுவது போல் நான் அவரை ஏமாற்றவில்லை. என் படத்தில் அஞ்சலி 15 நாட்கள் நடித்திருக்கிறார். அவர் வந்து மீதி படத்தையும் நடித்துக் கொடுக்கவேண்டும். இல்லாவிட்டால் நான் நடிகர் சங்கத்தில் முறையிடுவேன். எனக்கு ஃபெப்சி துணையிருக்கிறது. 

அதுமட்டுமல்லாமல் என் மீது சாட்டிய அபாண்டமான புகாரையும் இல்லை என்று கூறாவிட்டால் நான் மானநஷ்ட(!) வழக்கு போடுவேன். இவற்றை செய்ய அஞ்சலி மறுத்தால், அஞ்சலி பற்றிய சில உண்மைகளை சொல்வேன்” என்று வில்லன் கணக்காக பேட்டி கொடுத்துள்ளார். மிரட்டல் போல வெளிவந்த அந்த ‘உண்மைகளை சொல்வேன்’ பற்றி கோலிவுட்டில் பலவித செய்திகள் வெளியாகிவிட்டன.  

அஞ்சலிக்கும், களஞ்சியத்துக்கும் ஏற்கனவே திருமணமாகிவிட்டதாகவும், அதை சொல்லி அஞ்சலியின் மார்கெட்டை குறைத்துவிடுவதாகவும் தான் களஞ்சியம் மிரட்டுகிறாராம். இதைப்பற்றி உண்மையான தகவல் இல்லையென்றாலும் கோடம்பாக்கத்தில் தற்போதைய ஹாட் டாபிக் இது தான்.