ஐக்கிய பிக்குகள் முன்னணியின் ஆதரவு மைத்திரிபால சிறிசேனவிற்கே
பொது வேட்பாளர் மைத்திரிபால சிறிசேனவிற்கு ஆதரவு வழங்குவது என ஐக்கிய பிக்குகள் முன்னணி தீர்மானித்துள்ளது.
ஐக்கிய பிக்குகள் முன்னணி ஐக்கிய தேசியக் கட்சியின் ஓர் இணை அமைப்பு என்பது குறிப்பிடத்தக்கது.
மைத்திரிபால சிறிசேனவின் வெற்றியை உறுதி செய்யும் வகையில் நடவடிக்கை எடுக்கப்படும் என ஐக்கிய பிக்குகள் முன்னணியின் தலைவர் கிராம்பே ஆனந்த தேரர் தெரிவித்துள்ளார்.
மாவட்ட ரீதியில் பௌத்த பிக்குகளை ஒன்று திரட்டி நாடு முழுவதிலும் உள்ள பௌத்த விஹாரைகளில் ஆதரவு திரட்டும் நடவடிக்கைகள் மேற்கொள்ளப்படும் என அவர் குறிப்பிட்டுள்ளார்.
எதிர்வரும் நாட்களில் இந்த விசேட வழிபாட்டு நிகழ்வுகள் மூலம் மைத்திரிபாலவிற்கு ஆசி வழங்கும் நடவடிக்கைகள் மேற்கொள்ளப்பட உள்ளதாகத் தெரிவித்துள்ளார்.
