தமிழக தேர்தலில் அதிமுக வெற்றி பெற்று மீண்டும் ஆட்சியை பிடிக்கும். அதிமுக 130 இடங்கள் கிடைக்கும். திமுகவுக்கு 70 இடங்கள் கிடைக்கும். பிற கட்சிகளுக்கு 34 இடங்கள் கிடைக்கும். பாஜக எந்த தொகுதியிலும் வெற்றி பெறாது என்று டைம்ஸ் நவ் - சி ஓட்டர் கருத்துக் கணிப்பு முடிவுகள் வெளியிடப்பட்டுள்ளன.
புதுச்சேரியில் காங்கிரஸ் - திமுக கூட்டணி 17 இடங்களை பெறும் என்றும், என்.ஆர். காங்கிரஸ் கட்சி 7 இடங்களை பெறும் என்றும், அதிமுக ஒரு இடத்தில் வெற்றி பெறும் என்றும் முடிவுகள் வெளியிடப்பட்டுள்ளன.
மார்ச் முதல் வாரத்தில் நடத்தப்பட்ட கருத்துக்கணிப்பில் அதிமுகவுக்கு 41 சதவீதமும், திமுகவுக்கு 40 சதவீதமும், பாஜகவுக்கு 5 சதவீதமும், பிற கட்சிகளுக்கு 14 சதவீதமும் ஆதரவு இருந்துள்ளது.
ஆனால், மார்ச் கடைசி வாரத்தில் அதிமுகவின் ஆதரவு 39 சதவீதமாகவும், திமுகவின் ஆதரவு 32 சதவீதமாகவும், பாஜகவின் ஆதரவு 4 சதவீதமாகவும் குறைந்துள்ளது. பிற கட்சிகளுக்கான ஆதரவு மட்டுமே 25 சதவீதமாக உயர்ந்துள்ளது.