புதன், மே 31, 2017

2 மாதங்களுக்குள் மயிலிட்டியை விடுவிப்பதாக கூட்டு அரசு உறுதி மாவை எம்.பி. தெரிவிப்பு

“வலி. வடக்­கில் இரா­ணு­வத்­தி­னர் வச­முள்ள மயி­லிட்­டிப் பிர­தே­சம் 2 மாத காலப்­ப­கு­திக்­குள் விடு­விக்­கப் ப­டும் என்று அரசு உறுதி வழங்­கி­யுள்­ளது” இவ்­வாறு யாழ்ப்­பாண மாவட்ட நாடா­ளு­மன்ற உறுப்­பி­னர் மாவை சேனா­தி­ராசா தெரி­வித்­தார்.

யாழ்ப்­பாண மாவட்ட ஒருங்­கி­ணைப்­புக் குழுக் கூட்­டம் நேற்று யாழ். செய­ல­கத்­தில் நடை­பெற்­றது. கூட்­டத்­தில் மீள்­கு­டி­யேற்­றம் விட­யம் குறித்­துப் பேசப்­பட்­டது. இதன்­போதே நாடா­ளு­மன்ற உறுப்­பி­னர் மாவை சேனா­தி­ராசா மேற்­கண்­ட­வாறு தெரி­வித்­தார். அவர் மேலும் தெரி­வித்­த­தா­வது,

வலி. வடக்கு மயி­லிட்­டிப் பகு­தி­யைப் பாது­காப்பு தரப்­பி­னர் நீண்­ட­கா­ல­மாக தமது கட்­டுப்­பாட்­டில் வைத்­தி­ருக்­கின்­ற­னர். அந்­தப் பிர­தே­சத்தை விடு­விக்­கு­மாறு பல தட­வை­கள் கூட்டு அர­சி­டம் வலி­யு­றுத்­தி­னோம். மயி­லிட்டி பிர­தே­சத்தை இன்­னும் 2 மாத காலப்­ப­கு­திக்­குள் விடு­வித்து பொது­மக்­க­ளி­டம் கைய­ளிப்­ப­தாக அரசு உறுதி வழங்­கி­யுள்­ளது.

அத்­து­டன், பலாலி வானூர்தி நிலை­யத்­தின் விரி­வாக்­கம் தொடர்­பில் 1986ஆம் ஆண்டு கொழும்பு அர­சால் அறி­விக்­கப்­பட்ட வர்த்­த­மானி அறி­வித்­தலை அடிப்­ப­டை­யாக வைத்து மேல­தி­க­மா­கக் காணி­களை சுவீக­ரிப்­ப­தற்கு தற்­போ­தைய அரசு முயற்­சி­களை எடுத்து வரு­கின்­றது. இதற்கு அனு­ம­திக்­க­மாட்­டோம் என்று நாம் அர­சி­டம் உறு­தி­ப­டத் தெரி­வித்­துள்­ளோம்.

1986ஆம் ஆண்டு அர­சால் அறி­விக்­கப்­பட்­ட­தா­கக் கூறப்­ப­டும் வர்த்­த­மானி அறி­வித்­தலை மீளப் பெற வேண்­டும் என்று கடந்த கால மாவட்ட ஒருக்­கி­ணைப்­புக் குழுக் கூட்­டத்­தில் தீர்­மா­னம் எடுக்கப்பட் டது –- என்­றார்.