தமிழீழக் கிண்ணம் வெற்றியாளர் யங் ஸ்டார் லீஸ் சுவிஸ் நேற்று சுவிஸ் விண்டத்தூரில் நடை பெற்ற 17 வது உலகு தழுவிய தமிழீழக்கிண்ணம் சுற்றுப்போட்டியில் சுவிஸ் , பிரான்ஸ் ,கனடா , நோர்வே , ஹாலந்து , டென்மார்க்,பிரித்தானியா ஆகிய நாடுகளில் இருந்து 16 கழகங்கள் பங்கு பற்றி இருந்தன மின்னொளியில் நடைபெற்ற இறுதியாடடத்தில் சுவிஸ் றோயல் அணியை யங் ஸ்டார் கழகம் 4.0 என்ற ரீதியில் வீழ்த்தி (2018,2017,2012,2008)தொடர்ந்து இரண்டாவது தடவையாகவும் இந்த கிண்ணத்தை நான்காவது தடவையா கவும் வென்று சாதனை படைத்துள்ளது 70

ஞாயிறு, ஜூலை 16, 2017

சென்னை பேக்கரியில் தீவிபத்து: 29 பேர் படுகாயம்: தீயணைப்பு வீரர் பலி

சென்னை கொடுங்கையூர் மீனாம்பாள் சாலையில் உள்ள பேக்கரியில் நள்ளிரவில் திடீரெனத் தீவிபத்து ஏற்பட்டது. இதுகுறித்த தகவல் தீயணைப்புத்துறைக்கு தெரிவிக்கப்பட்டது. சம்பவ இடத்திற்கு விரைந்து வந்த தீயணைப்பு வீரர்கள் பேக்கரியின் கதவை திறந்து தீயை கட்டுக்குள் கொண்டு முயற்சித்தனர். அப்போது எதிர்பாராத விதத்தில் கடையின் உள்ளே இருந்த சிலிண்டர் வெடித்து சிதறியது.

இந்த விபத்தில், தீயணைப்பு வீரர்கள் 3 பேருக்கு 80 சதவிகிதம் தீக்காயம் ஏற்பட்டுள்ளது. கொடுங்கையூர் காவல்நிலைய சிறப்பு உதவி ஆய்வாளர் விக்னேஷ் மற்றும் போலீசார் ஜெயபிரகாஷ், அந்தோணி, புருஷோத்தமன் ஆகியோர் பலத்த காயமடைந்தனர்.

மொத்தம் 29 பேருக்கு தீக்காயம் ஏற்பட்டதில், யேகராஜன் என்ற தீயணைப்பு வீரர் இன்று காலை உயிரிழந்தார். மற்றவர்களுக்கு மருத்துவமனையில் தீவிர சிகிச்சை அளிக்கப்பட்டு வருகிறது.

தீ விபத்தில் காயமடைந்த தீயணைப்பு வீரர்களை சந்தித்து சுகாதாரத்துறை செயலாளர் ராதாகிருஷ்ணன் ஆறுதல் கூறினார். மேலும், தீ விபத்தில் மேலும் உயிர்ச்சேதம் ஏற்படாத வகையில் உரிய சிகிச்சை அளிக்கப்பட்டு வருகிறது. தொடர்ந்து 24 மணி நேரம் கண்காணிக்கப்பட்டு தீக்காயம் அடைந்தவர்களுக்கு சிகிச்சை அளிக்கப்படுகிறது என்று தெரிவித்தார்.