தமிழீழக் கிண்ணம் வெற்றியாளர் யங் ஸ்டார் லீஸ் சுவிஸ் நேற்று சுவிஸ் விண்டத்தூரில் நடை பெற்ற 17 வது உலகு தழுவிய தமிழீழக்கிண்ணம் சுற்றுப்போட்டியில் சுவிஸ் , பிரான்ஸ் ,கனடா , நோர்வே , ஹாலந்து , டென்மார்க்,பிரித்தானியா ஆகிய நாடுகளில் இருந்து 16 கழகங்கள் பங்கு பற்றி இருந்தன மின்னொளியில் நடைபெற்ற இறுதியாடடத்தில் சுவிஸ் றோயல் அணியை யங் ஸ்டார் கழகம் 4.0 என்ற ரீதியில் வீழ்த்தி (2018,2017,2012,2008)தொடர்ந்து இரண்டாவது தடவையாகவும் இந்த கிண்ணத்தை நான்காவது தடவையா கவும் வென்று சாதனை படைத்துள்ளது 70

ஞாயிறு, ஆகஸ்ட் 20, 2017

உத்தரப் பிரதேச வெள்ளம்..! 20 லட்சம் பேர் பாதிப்பு, 69 பேர் பலி


உத்தரப் பிரதேச மாநிலத்தில் வெள்ளத்தில் பலியானவர்களின் எண்ணிக்கை 69 ஆக அதிகரித்துள்ளது.




இந்தியாவின் வட மாநிலங்களில் பெரும்பாலான பகுதிகள் வெள்ள பாதிப்புகளுக்கு ஆளாகியுள்ளன. ஏற்கெனவே அசாம் மாநிலம் கடுமையான வெள்ளத்தால் பாதிக்கப்பட்டுள்ளது. இந்த நிலையில் உத்தரப் பிரதேசத்தில் பெய்த தொடர் மழையின் காரணமாக வெள்ளப்பெருக்கு ஏற்பட்டுள்ளது. கிழக்கு உத்தரப் பிரதேசத்தைச் சேர்ந்த மாவட்டங்கள் வெள்ளத்தால் கடுமையாக பாதிக்கப்பட்டுள்ளன. 24 மாவட்டங்களைச் சேர்ந்த 2,523 கிராமங்களில் வெள்ளத்தால் பாதிக்கப்பட்டுள்ளது.

அந்த வெள்ள பாதிப்பில் உயிரிழந்தவர்களின் எண்ணிக்கை 69 ஆக அதிகரித்துள்ளது. இதுவரையில் 20 லட்சத்துக்கும் மேற்பட்டவர்கள் வெள்ளத்தால் பாதிக்கப்பட்டுள்ளனர். மேலும் சுமார் 40 ஆயிரம் பேர் பாதுகாப்பு முகாம்களுக்கு மாற்றப்பட்டுள்ளனர். ராணுவ வீரர்களும், தீயணைப்பு வீரர்களும் மீட்புப் பணியில் ஈடுபட்டுள்ளனர். இந்திய விமானப் படையின் விமானங்களும் மீட்புப் பணியில் ஈடுபடுத்தப்பட்டுள்ளன. இருப்பினும் தொடர்ச்சியாக மழை பொழிவதால் மீட்புப் பணியை மேற்கொள்வதில் தொய்வு ஏற்பட்டுவருகிறது.