தமிழீழக் கிண்ணம் வெற்றியாளர் யங் ஸ்டார் லீஸ் சுவிஸ் நேற்று சுவிஸ் விண்டத்தூரில் நடை பெற்ற 17 வது உலகு தழுவிய தமிழீழக்கிண்ணம் சுற்றுப்போட்டியில் சுவிஸ் , பிரான்ஸ் ,கனடா , நோர்வே , ஹாலந்து , டென்மார்க்,பிரித்தானியா ஆகிய நாடுகளில் இருந்து 16 கழகங்கள் பங்கு பற்றி இருந்தன மின்னொளியில் நடைபெற்ற இறுதியாடடத்தில் சுவிஸ் றோயல் அணியை யங் ஸ்டார் கழகம் 4.0 என்ற ரீதியில் வீழ்த்தி (2018,2017,2012,2008)தொடர்ந்து இரண்டாவது தடவையாகவும் இந்த கிண்ணத்தை நான்காவது தடவையா கவும் வென்று சாதனை படைத்துள்ளது 70

சனி, ஆகஸ்ட் 19, 2017

எடப்பாடி நிபந்தனை: ஓபிஎஸ் அணியில் பலத்த விவாதம்!


அதிமுக அணிகள் இணைப்பு விசயத்தில் நீண்டுகொண்டே போவதற்கு முக்கிய காரணம் என்ன என்று விசாரித்ததில் நாம் டிடிவி தினகரன் அணியைச்சேர்ந்த முன்னாள் அமைச்சரும் பெருந்துரை தொகுதியின் எம்.எல்.ஏவுமான தோப்பு வெங்கடாசலத்திடம் பேசியபோது,  ‘’முன்னாள் முதல்வர் ஓ.பன்னீர்செல்வத்திற்கு நிதி மற்றும் வீட்டு வசதித்துறை ஆகிய இரண்டு துறைகள் மட்டும் ஒதுக்குவதாக கூறப்பட்டிருக்கிறது.   இதை அவர்கள் ஏற்கவில்லையாம்’’ எனக்கூறினார்.

இதனைத்தொடர்ந்து ஓ.பன்னீர்செல்வம் அணியைச்சேர்ந்த முன்னாள் எம்.எல்.ஏ மொடக்குறிச்சி ஆர்.என்.கிட்டுச்சாமியிடம் பேசியபோது,  ‘’இணைப்பு விசயத்தில் எடப்பாடி தலைமையிலான அணி இணக்கமாக வரவில்லை.  அவர்கள் இன்றே முடியும் என்று அனைத்து ஏற்பாடுகளையும் செய்தார்கள்.   குறிப்பாக, மறைந்த முதல்வர் ஜெயலலிதாவின் சமாதியை அழகுபடுத்தி அங்கே ஓபிஎஸ்சையும் இபிஎஸ்சையும் ஒன்றாக நிறுத்தி தமிழக மக்களிடமும் அதிமுக தொண்டர்களிடையேயும் கட்சி ஒன்றிணைந்துவிட்டது என்று காட்ட நினைத்தார்கள். ஆனால், ஓபிஎஸ் தலைமையிலான அணிக்கு உரிய மரியாதையை எடப்பாடி தலைமயிலான அணி கொடுக்கவில்லை.   இதனால் இணைப்பு நடவடிக்கை இன்னும் காலதாமதம் ஆகும்’’ என்று கூறினார்.

இந்த நிலையில், எடப்பாடி பழனிச்சாமி தலைமையிலான அணி, ஓபிஎஸ் தரப்புக்கு ஒரே ஒரு அமைச்சர் பதவி எனக்கூறி இருக்கிறது.  இது ஓபிஎஸ் தரப்பில் உள்ள எம்.எல்.ஏக்கள், முன்னாள் அமைச்சர்கள் , எம்.பிக்களிடையே பலத்த விவாதத்தை ஏற்படுத்தி உள்ளது.   எடப்பாடி தலைமையிலான அணி, கூறும் நிபந்தனையை ஓபிஎஸ் ஏற்றுக்கொண்டால், இங்கு ஓபிஎஸ் தலைமையிலான அணி பிளவுபடும் என கூறுகிறார்கள்.