ஞாயிறு, ஆகஸ்ட் 27, 2017

ஆளுநருடன் திமுக எம்.எல்.ஏக்கள் சந்திப்பு!

சென்னை கிண்டியில் உள்ள ஆளுநர் மாளிகையில் திமுக, திமுக கூட்டணி கட்சிகளான காங்கிரஸ் மற்றும் இந்தியன் யூனியன் முஸ்லிம் லீக் கட்சிகளை சேர்ந்த எம்.எல்.ஏக்கள் இன்று காலை 10.30 மணிக்கு ஆளுநர் வித்யாசாகர் ராவை சந்தித்தனர்.

சட்டசபை திமுக துணை தலைவர் துரைமுருகன் தலைமையிலான திமுக எம்.எல்.ஏக்கள், விஜயதாரணி தலைமையிலான காங்கிரஸ் எம்.எல்.ஏக்கள், திமுக எம்.பி.க்கள் கனிமொழி, ஆர்.எஸ்.பாரதி உள்ளிட்டோரும் சென்றனர்.

இந்த சந்திப்பின் போது, முதல்வர் பழனிசாமிக்கு அளித்த ஆதரவை வாபஸ் பெறுவதாக தினகரன் ஆதரவு எம்.எல்.ஏக்கள் 19 பேரும் அறிவித்துள்ளதால் அரசு பெரும்பான்மையை இழந்து விட்டது. இதனால் சட்டசபையை உடனடியாக கூட்டி பெரும்பான்மையை நிரூபிக்க முதல்வர் எடப்பாடி பழனிசாமிக்கு உத்தரவிட வேண்டும் எனக்கோரி திமுக மற்றும் காங்கிரஸ் தரப்பில் ஆளுநரிடம் மனு அளித்தனர்.