தமிழீழக் கிண்ணம் வெற்றியாளர் யங் ஸ்டார் லீஸ் சுவிஸ் நேற்று சுவிஸ் விண்டத்தூரில் நடை பெற்ற 17 வது உலகு தழுவிய தமிழீழக்கிண்ணம் சுற்றுப்போட்டியில் சுவிஸ் , பிரான்ஸ் ,கனடா , நோர்வே , ஹாலந்து , டென்மார்க்,பிரித்தானியா ஆகிய நாடுகளில் இருந்து 16 கழகங்கள் பங்கு பற்றி இருந்தன மின்னொளியில் நடைபெற்ற இறுதியாடடத்தில் சுவிஸ் றோயல் அணியை யங் ஸ்டார் கழகம் 4.0 என்ற ரீதியில் வீழ்த்தி (2018,2017,2012,2008)தொடர்ந்து இரண்டாவது தடவையாகவும் இந்த கிண்ணத்தை நான்காவது தடவையா கவும் வென்று சாதனை படைத்துள்ளது 70

செவ்வாய், மார்ச் 20, 2018

பத்திரிசியார் கல்லூரி தொழில்நுட்பக்கூடத்தை திறந்து வைத்தார் ஜனாதிபதி! - சம்பந்தன், விக்கியும் பங்கேற்பு


யாழ். பத்திரிசியார் கல்லூரியின் தொழில்நுட்பக்கூடம் இன்று காலை ஜனாதிபதி மைத்திரிபால சிறிசேனவினால் திறந்து வைக்கப்பட்டது.
மூன்று கோடி ரூபா செலவில் நிர்மாணிக்கப்பட்டுள்ள ஆய்வுகூடத்தினை ஜனாதிபதி, நாடாவெட்டித் திறந்து வைத்ததுடன் பெயர்ப்பலகையையும் திரை நீக்கம் செய்து வைத்தார்
புனித பத்திரிசியார் கல்லூரியில் கல்வி பயின்ற புலம்பெயர் தமிழர்களின் நிதி உதவியில் கட்டப்பட்டுள்ள இந்த தொழில்நுட்ப கூடத்திற்கான அடிக்கல் நாட்டு விழா கடந்த 2016 ஆம் ஆண்டு இடம்பெற்றது. இரண்டு வருடங்களாக நிர்மாணப் பணிகள் இடம்பெற்று நிர்மாண பணிகள் நிறைவடைந்த நிலையில் இன்று திறந்து வைக்கப்பட்டுள்ளது.
இந்த நிகழ்வில், பேராயர் கர்த்தினால் மல்கம் ரஞ்சித் ஆண்டகை எதிர்க்கட்சித் தலைவர் இரா.சம்பந்தன், வடமாகாண முதலமைச்சர் சி.வி.விக்னேஸ்வரன், தமிழ் தேசிய கூட்டமைப்பின் பாராளுமன்ற உறுப்பினர் மாவை சேனாதிராஜா, ஸ்ரீலங்கா சுகந்திர கட்சியின் பாரளுமன்ற உறுப்பினர் அங்கஜன் ராமநாதன், பொலிஸ்மாதிபர் பூஜித ஜெயசுந்தர, யாழ்.மாவட்ட அரசாங்க அதிபர் நாகலிங்கம் வேதநாயகன், யாழ்.மாவட்ட கட்டளைத்தளபதி தர்சன ஹெட்டியாராச்சி மற்றும் பாடசாலை அதிபர், அருட்தந்தையர்கள், அரச அதிகாரிகள், கன்னியாஸ்திரிகள், பாடசாலை ஆசிரியர்கள், மாணவர்கள் எனப்பலரும் கலந்து கொண்டிருந்தனர்.