தமிழீழக் கிண்ணம் வெற்றியாளர் யங் ஸ்டார் லீஸ் சுவிஸ் நேற்று சுவிஸ் விண்டத்தூரில் நடை பெற்ற 17 வது உலகு தழுவிய தமிழீழக்கிண்ணம் சுற்றுப்போட்டியில் சுவிஸ் , பிரான்ஸ் ,கனடா , நோர்வே , ஹாலந்து , டென்மார்க்,பிரித்தானியா ஆகிய நாடுகளில் இருந்து 16 கழகங்கள் பங்கு பற்றி இருந்தன மின்னொளியில் நடைபெற்ற இறுதியாடடத்தில் சுவிஸ் றோயல் அணியை யங் ஸ்டார் கழகம் 4.0 என்ற ரீதியில் வீழ்த்தி (2018,2017,2012,2008)தொடர்ந்து இரண்டாவது தடவையாகவும் இந்த கிண்ணத்தை நான்காவது தடவையா கவும் வென்று சாதனை படைத்துள்ளது 70

வெள்ளி, மார்ச் 02, 2018

வெற்றிவேல், தங்க தமிழ்ச்செல்வன் மீது போலீஸ் வழக்குப்பதிவு!

டி.டி.வி.தினகரன் ஆதரவாளர்கள் தங்க தமிழ்ச்செல்வன் மற்றும் வெற்றிவேல்மீது சென்னை கோட்டை காவல்
நிலையத்தில் வழக்கு பதியப்பட்டுள்ளது.

தங்க தமிழ்ச்செல்வன்


டி.டி.வி.தினகரனின் தீவிர ஆதரவாளர்களான தங்க தமிழ்ச்செல்வன் மற்றும் வெற்றிவேல் இருவரும் நேற்று தலைமைச் செயலகம் சென்றனர். பொதுப்பணித்துறையில் ஊழல் நடைபெற்றுள்ளதாகக் கூறி அதிகாரிகளிடம் புகார் அளிக்க முயன்றனர். ஆனால், அவர்களை தலைமைச் செயலகத்தின் உள்ளே விட போலீஸார் அனுமதி மறுக்கவே, இருவரும் வாக்குவாதத்தில் ஈடுபட்டனர். பின்னர், இருவரும் அனுமதியின்றி உள்ளே நுழைந்ததாகக் கூறப்படுகிறது.


இதனால் அங்கு சிறிது நேரம் பரபரப்பு ஏற்பட்டது. இந்நிலையில், இவர்கள் இருவர் மீதும் சென்னை கோட்டை காவல்நிலையத்தில் புகார் அளிக்கப்பட்டுள்ளது. அதில், அதிகாரிகளை பணி செய்யவிடாமல் தடுத்தல் மற்றும் அதிகாரிகளை மிரட்டியது உள்ளிட்ட இரு பிரிவின்கீழ் வழக்குப் பதியப்பட்டுள்ளதாகத் தெரிகிறது. வழக்கை அடுத்து விரைவில் அவர்கள் இருவரிடம் விசாரணை நடத்தப்படும் என்று தெரிவிக்கப்பட்டுள்ளது. இதற்கிடையே, வழக்கையடுத்து வெற்றிவேல் தலைமறைவாகியுள்ளார் எனப் போலீஸார் வட்டாரத்தில் தகவல் பரவி வருகிறது. இவர்கள் இருவர் மீதும் வழக்குப் பதியப்பட்டுள்ளது தமிழக அரசியல் வட்டாரத்தில் பரபரப்பை ஏற்படுத்தியுள்ளது.