புங்குடுதீவு ஆலயங்களில் ஏப்ரல் மாத விழாக்கள் ,,,12.மடத்துவெளி வயலூர் முருகன் தேர்,,14.இறுபிட்டி கொம்மாபிட்டி பிள்ளையார் தேர் ,,20.மடத்துவெளி நுழைவாயில் பிள்ளையார் கும்பாபிஷேகம் ,,28.கண்ணகி அம்மன் தேர்,,14சிவலைபிட்டி சனசமூக நிலைய விளையாட்டு விழா 70

வெள்ளி, ஏப்ரல் 13, 2018

அரசியலுக்கு வழிப்போக்கர்களாக வந்தவர்களே இழி செயலில் ஈடுபட்டனர்! - சிவகரன்

அரசியலுக்கு வழிப்போக்கர்களாக வந்தவர்களே இழி செயலில் ஈடுபட்டனர்! - சிவகரன்

தமிழர் விடுதலைக் கூட்டணியின் தீர்மானத்திற்கு மாறாக சிங்கள பேரினவாத கட்சிகளுக்கு வாக்களித்த பிரதேசசபை உறுப்பினர்களுக்கு எதிராக நடவடிக்கை எடுக்கப்பட்டு உறுப்புரிமையில் இருந்து நீக்கப்படுவார்கள் என தமிழர் விடுதலைக் கூட்டணியின் அங்கத்துவ கட்சிகளுள் ஒன்றான ஜனநாயக தமிழரசுக் கட்சியின் பொதுச்செயலாளர் வி.எஸ்.சிவகரன் தெரிவித்துள்ளார்.
தமிழர் விடுதலைக் கூட்டணியின் தீர்மானத்திற்கு மாறாக சிங்கள பேரினவாத கட்சிகளுக்கு வாக்களித்த பிரதேசசபை உறுப்பினர்களுக்கு எதிராக நடவடிக்கை எடுக்கப்பட்டு உறுப்புரிமையில் இருந்து நீக்கப்படுவார்கள் என தமிழர் விடுதலைக் கூட்டணியின் அங்கத்துவ கட்சிகளுள் ஒன்றான ஜனநாயக தமிழரசுக் கட்சியின் பொதுச்செயலாளர் வி.எஸ்.சிவகரன் தெரிவித்துள்ளார்.

இது தொடர்பில் அவர் விடுத்துள்ள ஊடக அறிக்கையில் மேலும் குறிப்பிடப்படுவதாவது, கொள்கை பற்றோடும் விசுவாசத்தோடும் வாக்களித்த மக்களிற்கு தேர்தல் அரசியலுக்கு வழிப்போக்கர்களாக வந்தவர்களே இந்த இழி செயலில் ஈடுபட்டனர்.அவர்களை வரலாறு ஒருபோதும் மன்னிக்காது. இவ்வாறான ஒரு சில சந்தர்ப்பவாதிகளால் தமிழ் தேசியம் ஒருபோது தளர்வடையப் போவதில்லை.

குறித்த நபர்களே அரசியல் அரங்கில் இருந்து காணாமல் போவார்கள் என்பது கடந்த காலத்தில் நாம் கற்றுக் கொண்ட பாடம்.தவறான பாதை வகுத்த தமிழ்த் தேசிய கூட்டமைப்பு, தமிழின அழிப்பாளர்களுடனும் தமிழ்த் தேசிய விரோத சக்திகளுடனும் ஐக்கிய தேசியக் கட்சி, சுதந்திரக்கட்சி, ஈ.பி.டி.பி, கருணா குழு போன்றவற்றின் ஆதரவுடன் ஆட்சி அமைத்தது போல எமது அங்கத்தவர்களும் நிலை மாற முடியாது என்பதே எமது திடமான முடிவு.

வடக்கு, கிழக்கு எங்கும் எவரையும் ஆதரிப்பதில்லை என்பது எமது கட்சித் தலைவர்களால் எடுக்கப்பட்ட தீர்மானம்.ஆகவே இந்த தீர்மானத்தை மீறிய உறுப்பினர்களுக்கு எதிராக நடவடிக்கை எடுக்கப்படும் என்பதை தெரிவித்துக் கொள்கின்றோம் என குறிப்பிடப்பட்டுள்ளது.