தமிழீழக் கிண்ணம் வெற்றியாளர் யங் ஸ்டார் லீஸ் சுவிஸ் நேற்று சுவிஸ் விண்டத்தூரில் நடை பெற்ற 17 வது உலகு தழுவிய தமிழீழக்கிண்ணம் சுற்றுப்போட்டியில் சுவிஸ் , பிரான்ஸ் ,கனடா , நோர்வே , ஹாலந்து , டென்மார்க்,பிரித்தானியா ஆகிய நாடுகளில் இருந்து 16 கழகங்கள் பங்கு பற்றி இருந்தன மின்னொளியில் நடைபெற்ற இறுதியாடடத்தில் சுவிஸ் றோயல் அணியை யங் ஸ்டார் கழகம் 4.0 என்ற ரீதியில் வீழ்த்தி (2018,2017,2012,2008)தொடர்ந்து இரண்டாவது தடவையாகவும் இந்த கிண்ணத்தை நான்காவது தடவையா கவும் வென்று சாதனை படைத்துள்ளது 70

வியாழன், ஏப்ரல் 19, 2018

பிரதி சபாநாயகர் பதவிக்கு கொழும்பு மாவட்ட பாராளுமன்ற உறுப்பினர்

பிரதி சபாநாயகர் பதவிக்கு கொழும்பு மாவட்ட பாராளுமன்ற உறுப்பினர் முஜிபுர் ரஹ்மானை நியமிக்குமாறு ஐக்கிய தேசியக் கட்சியினர் பின்வரிசை உறுப்பினர்கள் 24 பேர் பிரதமர் ரணில் விக்கிரமசிங்கவிற்கு கடிதம் மூலம் வலியுறுத்தியுள்ளனர்.

பிரதமர் ரணில் விக்கிரமசிங்கவிற்கு எதிரான நம்பிக்கையில்லா பிரேரணை மீதான விவாதத்தின் போது பிரதி சபாநாயகராக இருந்த திலங்க சுமதிபால பக்கசார்பான முறையில் நடந்து கொண்டதாக ஐக்கிய தேசியக் கட்சியினர் பாராளுமன்றத்திலும் அதற்கு வெளியிலும் குற்றம் சுமத்தி வந்தனர்.

இதனையடுத்து பிரதி சபாநாயகர் திலங்க சுமதிபால தனது பதவியை இராஜினாமா செய்தார். இந்நிலையில் தற்போது பிரதிசபாநாயகர் எவரும் நியமிக்கப்படவில்லை. எதிர்வரும் 8 ஆம் திகதி பாராளுமன்றம் மீண்டும் கூடும் போது பிரதி சபாநாயகர் ஒருவரை தெரிவு செய்வதற்கு நடவடிக்கைகள் முன்னெடுக்கப்பட்டுள்ளன. இதன்படி 225 பாராளுமன்ற உறுப்பினர்களின் விருப்பின் பிரகாரம் பிரதி சபாநாயகர் நியமிக்கப்படுவார்.

இந்நிலையில் ஐக்கிய தேசியக் கட்சி சார்பில் கொழும்பு மாவட்டத்தில் இருந்து தெரிவான முஜிபுர் ரஹ்மானை பிரதி சபாநாயகராக பதவிக்கு பரிந்துரை செய்யுமாறு பிரதமர் ரணில் விக்கிரமசிங்கவிற்கு ஐக்கிய தேசியக் கட்சியின் பின்வரிசை உறுப்பினர்கள் உட்பட ஒரு சில அமைச்சர்கள் 24 பேர் கையொப்பமிட்டு கடிதமொன்றை கையளித்துள்ளனர்.