புங்குடுதீவு ஆலயங்களில் ஏப்ரல் மாத விழாக்கள் ,,,12.மடத்துவெளி வயலூர் முருகன் தேர்,,14.இறுபிட்டி கொம்மாபிட்டி பிள்ளையார் தேர் ,,20.மடத்துவெளி நுழைவாயில் பிள்ளையார் கும்பாபிஷேகம் ,,28.கண்ணகி அம்மன் தேர்,,14சிவலைபிட்டி சனசமூக நிலைய விளையாட்டு விழா 70

வியாழன், மே 31, 2018

ரஜினிகாந்த் கருத்து கோடிக்கணக்கான மக்களின் நெஞ்சை காயப்படுத்தி விட்டது- வைகோ

ம.தி.மு.க. பொது செயலாளர் வைகோ மேட்டுப்பாளையத்தில் நிருபர்களுக்கு பேட்டி அளித்தார். அப்போது கூறியதாவது-
அ.தி.மு.க. அரசு, தமிழக வாழ்வுரிமைக் கட்சி தலைவர் வேல்முருகன் மீது தேச துரோக குற்றச்சாட்டின் கீழ் காவல்துறையின் மூலம் அடக்குமுறை வழக்கை ஏவியுள்ளது.
மத்தியில் ஆளும் மோடி அரசின் கைப்பாவையாகச் செயல்படும் அ.தி.மு.க. அரசின் பாசிச போக்கை எதிர்த்து, தமிழக உரிமைகளுக்காக அறவழியில் போராடி வந்த வேல்முருகன் மீது இந்த அடக்குமுறையை ஏவிய தமிழக அரசுக்கும், காவல்துறைக்கும் கண்டனத்தைத் தெரிவிக்கிறேன்.
என் மீதும் தேச துரோகக் குற்றச்சாட்டில் 2 வழக்குகள் உள்ளன. அந்த வழக்குகளையும் அஞ்சாமல் எதிர்கொள்வோம்; வேல்முருகன் மீது போடப்பட்ட வழக்கையும் எதிர் கொண்டு முறியடிப்போம்.
இந்தநடவடிக்கையால் வேல்முருகன் மேலும் வீறுகொண்டு களத்துக்கு வருவார். கேடு வரும் பின்னே மதி கெட்டு வரும் முன்னே என்ற நிலைமைக்கு அ.தி.மு.க. அரசு ஆளாகும் என எச்சரிக்கிறேன்.
தமிழ் நாட்டிற்கு எது நன்மையோ, எது தேவையோ அதை செய்ய பாடுபட்டு கொண்டு இருக்கிறோம். முறையான வளர்ச்சிக்கு நாங்கள் எதிரிகள் அல்ல.
சுற்றுச் சூழல் எங்கு மாசுப்பட்டாலும், தமிழர் உரிமை பறிக்கப்பட்டாலும் அதற்காக போராடுவோம். வரும் காலங்களில் தமிழகத்தில் குழந்தைகள் நன்கு வளர வேண்டும்.
தமிழர்களின் நலனுக்காக குரல் கொடுத்தால் ராஜ துரோகம் என்பதா? தமிழர்களுக்காக குரல் கொடுத்தால் இந்தியாவின் ஒற்றுமை சிதறும் என்பது ராஜதுரோகமா?
தேச துரோக வழக்கை உடைத்து கொண்டு வேல்முருகன் வருவார். இது அடக்கு முறையை பிரயோகிக்கிற முறை.
இதில் மத்திய அரசின் அழுத்தம் இருக்கிறது. இவர்கள் மீது வழக்கு போடு. உள்ளே போடு என்று அழுத்தம் கொடுக்கிறது.
இதற்கு கைப்பாவையாக செயல்பட்டு கொண்டிருக்கும் அ.தி.மு.க. அரசு காவல் துறையை ஏவி உயிர்களை பலி கொண்டது மட்டும் அல்ல. காட்டு மிராண்டித் தனமாக தாக்குதல் நடத்தி உள்ளது.
தொழிற்சாலை குடியிருப்புக்கு ஒரு சேதமும் கிடையாது. யார் தீ வைத்தது,? போலீசாரே வாகனங்களுக்கு தீ வைத்து கொண்டனர்.
வேன் மீது இருந்து துப்பாக்கியால் சுட்டு உள்ளனர். அங்கிருந்த 50 ஆயிரம் மக்கள் வன்முறையில் ஈடுபட்டு இருந்தால் எத்தனை போலீசார் உயிர் இழந்திருப்பார்கள். அற வழியில் போராட்டம் நடத்திய மக்களை போலீசார் சுட்டு வீழ்த்தினால் ஸ்டெர்லைட் ஆலை முன் முற்றுகை போராட்டத்தை நடத்த மாட்டார்கள் என்று ஆலை நிர்வாகத்திற்கு ஆதரவாக அரசு காவல் துறையை ஏவி உள்ளது.
இப்போது தென் மாவட்டங்கள், தூத்துக்குடி ஆகியவை எரிமலை ஆகிவிட்டது. ஆலை நிர்வாகத்தினர் ஆலையை நடத்த உத்தரவை பெறுவோம் என்று கூறுகின்றனர். என்ன தைரியத்தில் சொல்கிறார்கள் என்று தெரியவில்லை.
ஆலையை இயக்கலாம் என்று அனுமதி வந்தால் கூட ஆலையை நடத்த முடியாது. தமிழக மக்கள் அறவழியில் தான் போராட்டத்தை
நடத்தி வருகின்றனர். நாங்கள் சமூக விரோதிகள் அல்ல.
ஸ்டெர்லைட் ஆலையை மீண்டும் இயக்க நினைத்தால் நாங்கள் லட்சம் பேரை அழைத்து வந்து போராட்டம் நடத்துவோம். அதனை தடுத்து நிறுத்தினால் எரிமலை வெடிக்கும்.
ரஜினிகாந்த் புதிதாக அரசியலுக்கு வந்துள்ளார். சுற்றுச்சூழல் மாசுபடுவதால் ஏற்படும் பாதிப்பு குறித்து அரிச்சுவடி கூட அவருக்கு தெரியாது. போராட்டம் பற்றி அரிச்சுவடியும் அவருக்கு தெரியாது.
தமிழ்நாடு சுடுகாடு ஆகும் என்று நண்பர் ரஜினிகாந்த் கூறியுள்ளார். தமிழ்நாடு சுடுகாடு ஆகிவிடக்கூடாது என்பதற்காக நியூட்ரினோ, மீத்தேன் , ஹைட்ரோகார்பன் திட்டத்திற்காக பல போராட்டங்களை நடத்தி வருகிறோம்.
தமிழகத்தின் உரிமையை காப்பாற்றவும் சுடுகாடாகவும், பாலைவனமாகாமலும் இருக்க போராட்டம் நடத்தி இருக்கிறோம்.
ரஜினிகாந்த் சில அறிவுரைகளைசொல்லி இருக்கிறார். அவர் கூறிய வார்த்தைக்கு பதில் கூற விரும்பவில்லை. மக்கள் கவனித்து கொண்டுதான் உள்ளார்கள். அவரது கருத்து கோடிக்கணக்கான மக்களின் நெஞ்சை காயப்படுத்தி விட்டது என்பதை என்றைக்காவது ஒருநாள் அவர் உணர்வார்.
இவ்வாறு அவர் கூறினார்.