www.pungudutivuswiss.com www.madathuveli.com www.youngstarlyss.com www.panavidaisivan.com www.sandrabalan.ml www.urativu.ml www.kananithamil.blogspot.com www.pungudutivumv.blogspot.com www.sivalaipiddi.blogspot.com 70

செவ்வாய், ஜூலை 10, 2018

விஜயகலாவுக்கு அமைச்சர் பதவி! - சிபாரிசு செய்யப் போகிறாராம் சங்கரி

இராஜாங்க அமைச்சர் பதவிக்கு பதிலாக> விஜயகலா மகேஸ்வரனுக்கு அமைச்சர் பதவி வழங்குவதற்கு நடவடிக்கை எடுக்க தான் சிபாரிசு செய்வதாக தமிழர் விடுதலைக் கூட்டணியின் தலைவர் வீ.ஆனந்தசங்கரி தெரிவித்தார். இன்று காலை 11 மணியளவில் கிளிநொச்சியில் உள்ள த.வி கூட்டணி அலுவலகத்தில் இடம்பெற்ற ஊடக சந்திப்பில் கருத்து தெரிவித்த அவர்-

இராஜாங்க அமைச்சர் பதவிக்கு பதிலாக> விஜயகலா மகேஸ்வரனுக்கு அமைச்சர் பதவி வழங்குவதற்கு நடவடிக்கை எடுக்க தான் சிபாரிசு செய்வதாக தமிழர் விடுதலைக் கூட்டணியின் தலைவர் வீ.ஆனந்தசங்கரி தெரிவித்தார். இன்று காலை 11 மணியளவில் கிளிநொச்சியில் உள்ள த.வி கூட்டணி அலுவலகத்தில் இடம்பெற்ற ஊடக சந்திப்பில் கருத்து தெரிவித்த அவர்-

“ விஜயகலா ஒருதாய். குறித்த காலப்பகுதியில் சிறுமியின் கொலை சம்பவம் அதிகம் பேசப்பட்டு வந்தது. இந்த சூழலில் அமைச்சர்கள் பலர் அங்கு சென்று வந்தனர். இந்த நிலையில் தன்னை அடக்கி கொள்ள முடியாத நிலையில் விஜயகலா இவ்வாறு கருத்து தெரிவித்துள்ளார். இது ஓர் தவறு கிடையாது.

விடுதலை புலிகளின் கட்டுப்பாட்டில் குற்ற செயல்கள் இடம்பெற்றிருக்கவில்லை. குற்றம் செய்வோர் அச்சத்துடன் இருந்தார். அதனால் குற்றம் இடம்பெறவில்லை. இந்த நிலையில் விஜயகலா உணர்ச்சிவசப்பட்டு, தான் வகிக்கும் இராஜாங்க அமைச்சு பதவியிலிருந்து எதையும் செய்ய முடியவில்லையே என எண்ணி கூறிய ஆதங்க கருத்தினை வைத்து, தமது அரசியலிற்காக இவ்வாறு செயற்படுவது பொருத்தமல்ல. துள்ளும் மீன்களை விட்டுவிட்டு நெத்தலி போன்றவற்றிற்கு தண்டனை வழங்குவது பொருத்தமல்ல.

தமிழ் தேசிய கூட்டமைப்பு 2004ம் ஆண்டிலிருந்து விடுதலை புலிகள் ஏக பிரதிநிதிகள், அவர்களின் இலட்சியத்தை முன்னெடுப்போம் என தெரிவித்து தேர்தல்களில் போட்டியிட்டார்கள். அவ்வாறு போட்டியிட்டு அதன் பின்னர் இடம்பெற்ற கொலைகள், உயிரிழப்பு, சொத்திழப்பு அனைத்திற்கும் காரணமாகவும் சம்பந்தனும், சேனாதிராஜாவும் இருந்துள்ளார்கள். இந்த நிலையில் அவ்வாறானவர்களை விட்டுவிட்டு ஏன் விஜயகலா மீது நடவடிக்கை எடுக்க தென்னிலங்கை மக்கள் கொந்தளிக்கின்றனர்.

சம்பந்தனும், சேனாதிராஜாவும் பேசியதை கருத்தில் கொள்ளாதவர்கள் அவரை எதிர்கட்சி பதவியில் வைத்து அழகு பார்க்கும் நிலையில், இவரது கருத்திற்கு எதிர்ப்பது தொடர்பில் மக்கள் ஆராய வேண்டும்.

இவ்வாறு பேசுபவர்கள் வெறும் கதிரைகளிற்கு பேசுவார்கள். உண்மையில் தமிழ் மொழிபெயர்ப்பை நீண்ட நேரம் கேட்க முடியாது பலர் கழட்டி வைப்பார்கள், இன்னும் பலர் வெளியே சென்று விடுவார்கள். இந்த சந்தர்ப்பத்தை பயன்படுத்தி வெறும் கதிரைகளிற்கு இவ்வாறானவர்கள் பேசுவார்கள். அதேபோன்று கிராமபுறங்களில் மக்களின் கைதட்டலிற்காகவும், வாக்குகளிற்காகவும் இவ்வாறு உணர்ச்சிவசப்படும் வார்த்தைகளை பேசுவார்கள்.