புங்குடுதீவெனும் புனிதபூமியின் புகழ் பரப்பும் பேரிணையம் இது -புங்குடுதீவின் வரலாறு , தகவல்கள், படங்கள், காணொளிகள்,ஆவணங்கள்-இத்தோடு 24 மணிநேர தரமிக்க செய்தி தரவேற்றதோடு உஙகளை நித்தம் சந்திக்கும் ஒரே இணையம்-இங்குள்ள விளம்பரங்களில் கிளிக் செய்து விட்டு சென்றால் எங்களுக்கு ஆதரவாக இருக்கும் .தொடர்புகள்-pungudutivu1@gmail.com

-

4 மே, 2019

இலங்கை குண்டுவெடிப்பு: சிறிசேனவிடம் பாதுகாப்பு குறித்த அறிக்கையை வழங்கிய ராஜபக்ஷ

இலங்கையின் தேசிய பாதுகாப்பிற்காக எடுக்கப்பட வேண்டிய நடவடிக்கைகள் அடங்கிய அறிக்கையொன்று ஜனாதிபதி மைத்திரிபால சிறிசேனவிடம் கையளிக்கப்பட்டுள்ளது.

முன்னாள் ஜனாதிபதியும் எதிர்க்கட்சித் தலைவருமான மஹிந்த ராஜபக்ஷவினால் இந்த அறிக்கை ஜனாதிபதியிடம் கையளிக்கப்பட்டதாக ஜனாதிபதி ஊடகப் பிரிவு தெரிவிக்கின்றது.

இலங்கையில் இடம்பெற்ற யுத்தத்தை நிறைவுக்கு கொண்டு வருவதற்காக செயற்பட்ட முன்னாள் பாதுகாப்பு அதிகாரிகளால் இந்த அறிக்கை தயாரிக்கப்பட்டிருந்தது.

முன்னாள் ஜனாதிபதியும் எதிர்க்கட்சித் தலைவருமான மஹிந்த ராஜபக்ஷவிற்கும், யுத்தக் காலத்தில் கடமையாற்றிய பாதுகாப்பு பிரிவின் அதிகாரிகள் இடையில் கடந்த 28ஆம் திகதி விசேட சந்திப்பொன்று இடம்பெற்றது.

இந்த சந்திப்பில் நாட்டின் தற்போதைய நிலைமைகள் குறித்து கலந்துரையாடப்பட்டதுடன், நாட்டின் பாதுகாப்பை உறுதி செய்வதற்கு எடுக்க வேண்டிய நடவடிக்கைகள் தொடர்பில் அறிக்கையொன்றை தயாரித்து தருமாறு முன்னாள் ஜனாதிபதி மஹிந்த ராஜபக்ஷ, முன்னாள் பாதுகாப்பு பிரிவினரிடம் கோரிக்கை விடுத்திருந்தார்.

ராஜபக்ச

ad

ad