வடக்கில் முஸ்லிம் கூட்டணி த.தே.கூட்டமைப்புடன் இணைந்து போட்டி

எதிர்வரும் வடக்கு மாகாண சபைத் தேர்தலில் தமிழ் தேசியக் கூட்டமைப்புடன் இணைந்து நல்லாட்சிக்கான மக்கள் இயக்கம் தலைமையிலான முஸ்லிம் கூட்டணி மன்னார் மாவட்டத்தில் போட்டியிடுகிறது.

நல்லாட்சிக்கான மக்கள் இயக்கம் தலைமையிலான முஸ்லிம் கூட்டணி சார்பாக அஷெய்க் அய்யூப் அஸ்மி (நளீமி) போட்டியிடுகிறார். அவர் நேற்று பிற்பகல் வேட்பு மனுவில் கையெழுத்திட்டுள்ளதாக தெரிவிக்கப்படுகிறது.

இது தொடர்பில் கருத்து வெளியிட்ட நல்லாட்சிக்கான மக்கள் இயக்கம் தலைமையிலான முஸ்லிம் கூட்டணியின் ஊடகப் பேச்சாளர் நஜா முஹம்மத்,

தமது கூட்டணியின் வேட்பாளர் யாழ்ப்பாணத்தில் போட்டியிட இருந்த போதும் தமிழ் தேசிய கூட்டமைப்பு சார்பில் யாழில் போட்டியிடும் வேட்பாளர்களுக்கான இட ஒதுக்கீடு செய்வதில் உள்ள சிக்கல் காரணமாகவே மன்னார் மாவட்டத்தில் போட்டியிட தீர்மானிக்கப்பட்டதாக கூறினார்.