செ.அரங்கநாயகம் திமுகவில் இருந்து விலகினார்

தமிழகத்தின் முன்னாள் முதல் அமைச்சர் எம்.ஜி.ஆரின் அமைச்சரவையில் கல்வி துறை அமைச்சராக பதவி வகித்தவர், செ.அரங்கநாயகம்.

அதனை தொடர்ந்து, ஜெயலலிதாவின் அமைச்சரவையிலும் கல்வி துறை அமைச்சராக இருந்த இவர் அ.தி.மு.க.வில் இருந்து விலகி கடந்த 4-9-2006 அன்று தி.மு.க.தலைவர் கலைஞர் முன்னிலையில் அக்கட்சியில் இணைந்தார்.

தொண்டாமுத்தூர் சட்டமன்ற தொகுதியில் இருந்து இரு முறை, கோவை (மேற்கு) சட்டமன்ற தொகுதியில் இருந்து இரு முறை என 4 முறை தமிழ்நாடு சட்டமன்ற உறுப்பினராக பணியாற்றியுள்ள அரங்கநாயகம் தி.மு.க.வை விட்டு விலகுவதாக இன்று அறிவித்துள்ளார்.