தென் ஆபிரிக்கா மற்றும் இங்கிலாந்து அணிகளுக்கிடையிலான 2வது டெஸ்ட் போட்டியில் இங்கிலாந்து அணியின் முதல்
இணிங்ஸின் 629 ஒட்டங்களை நோக்கி தென் ஆபிரிக்கா அணி துடுப்பெடுத்தாடி வருகின்றது. இரண்டாவது நாள் ஆட்ட நேர முடிவில் தென் ஆபிரிக்கா அணி 141 ஓட்டங்களுக்கு 2 விக்கெட்டினை இழந்து துடுப்பெடுத்தாடுகிறது. நேற்று முன் தினம் (சனிக்கிழமை) ஆரம்பமான இப் போட்டியில் நாணய சுழற்சியில் வெற்றி பெற்ற இங்கிலாந்து அணி முதலில் துடுப்பெடுத்தாட தீர்மானித்தது. அதன் படி முதல் இணிங்ஸ்காக களமிறங்கிய இங்கிலாந்து அணி 6 விக்கெட் இழப்புக்கு 629 ஓட்டங்களை குவித்தது.
அணியின் அதிகபட்ச ஓட்டமாக பென் ஸ்டோக்ஸ் 258 ஓட்டங்களையும், பெரிஸ்டோவ் 150 ஒட்டங்களையும் பெற்றுக்கொண்டனர். பந்து வீச்சில் ரபாடா 3 விக்கெட்டுகளை வீழ்த்தினர். இதையடுத்து தற்போது இங்கிலாந்து அணியின் முதல் இணிங்ஸின் 629 ஒட்டங்களை நோக்கி தென் ஆபிரிக்கா அணி துடுப்பெடுத்தாடி வருகின்றது. நேற்றைய ஆட்ட நேர முடிவில், அம்லா 64 ஓட்டங்களுடனும், டி வில்லியர்ஸ் 25 ஓட்டங்களுடனும் களத்தில் இருந்தனர்.