முன்னாள் ‘நம்பர் ஒன்’ டென்னிஸ் வீரர் போரிஸ் பெக்கர் சிறையிலிருந்து விடுதலையானார். லண்டன், முன்னாள் 'நம்பர் ஒன்' டென்னிஸ் வீரர் போரிஸ் பெக்கர் (வயது 54). ஜெர்மனியை சேர்ந்த போரிஸ் பெக்கர் 3 முறை விம்பிள்டன் கிராண்ட்ஸ்லாம் பட்டத்தை வென்றுள்ளார். லண்டனில் வசித்து வந்த போரிஸ் பெக்கர் கடந்த 2002-ம் ஆண்டு வரி ஏய்ப்பு புகாரில் சிக்கினார். அப்போது அவருக்கு 2 ஆண்டுகள் சிறைத்தண்டனை விதிக்கப்பட்டு, நிறுத்தி வைக்கப்பட்டது. தனியார் வங்கியில் கோடிக்கணக்கில் பணம் கடனாக வாங்கிய அவர் அதை திருப்பி செலுத்தாமல் கடந்த 2017-ம் ஆண்டு தன்னை திவாலானவராக அறிவித்தார். இதற்கிடையே, அவர் தனது வங்கி கணக்கில் இருந்து பலரது வங்கி கணக்குகளுக்கு நிறைய பணம் அனுப்பியதும், சொத்துகளை மறைத்து ஏமாற்றியதும் கண்டறியப்பட்டது. லண்டன் கோர்ட்டில் நடந்த இது தொடர்பான வழக்கில் போரிஸ் பெக்கருக்கு 2½ ஆண்டுகள் சிறை தண்டனை விதிக்கப்பட்டது. திவால் வழக்கு என்பதால் தண்டனை காலம் குறைக்கப்பட்டதால், சில மாதங்கள் பெக்கர் சிறையில் இருக்க நேர்ந்து. இந்த நிலையில், போரிஸ் பெக்கர் நேற்று சிறையில் இருந்து விடுதலையானார். விடுதலையானதும் அவர் தனது தாய்நாடான ஜெர்மன் சென்றார்.