தொடரின் சிறந்த வீரர் மிட்செல் ஸ்டார்க்

உலகக் கோப்பைத் தொடரின் சிறந்த வீரராக ஆஸ்திரேலியாவின் மிட்செல் ஸ்டார்க் தேர்வு செய்யப்பட்டுள்ளார்.

உலகக் கோப்பை கிரிக்கெட் போட்டி இன்றுடன் நிறைவடைந்தது. இறுதி ஆட்டத்தில் ஆஸ்திரேலிய அணி நியூசிலாந்து அணியை 7 விக்கெட்டுகள் வித்தியாசத்தில் வீழ்த்தியது. இந்த தொடரின் சிறந்த வீரராக ஆஸ்திரேலிய வேகப்பந்து வீச்சாளர் மிட்செல் ஸ்டார்க் தேர்வு செய்யப்பபட்டுள்ளார்.

இந்த தொடரில் 8 ஆட்டங்களில் விளையாடியுள்ள மிட்செல் ஸ்டார்க் 22 விக்கெட்டுகளை வீழ்த்தினார். தொடரில் அதிக விக்கெட்டுகளை வீழ்த்தியதும் இவர்தான். தொடர்நாயகனாக தேர்வு செய்யப்பட்ட ஸ்டார்க்குக்கு இந்திய அணியின் ஜாம்பவான் சச்சின் டெண்டுல்கர் விருது வழங்கி கவுரவித்தார்.