ஜம்மு காஷ்மீரில் ராணுவ தலைமையகத்தில் தீவிரவாதிகள் நடத்திய தாக்குதலில் 17 வீரர்கள் உயிரிழந்தனர். 20 வீரர்கள் காயமடைந்தனர். ராணுவ வீரர்களின் பதில் தாக்குதலில் 4 தீவிரவாதிகள் உயிரிழந்தனர்.
இந்த சம்பவத்தையடுத்து மத்திய உள்துறை அமைச்சர் ராஜ்நாத் சிங் தனது ரஷ்யா மற்றும் அமெரிக்கா பயணத்தை ரத்து செய்தார். தாக்குதல் குறித்து அதிகாரிகளுடன் ஆலோசனை மேற்கொண்டார். காஷ்மீர் முதல் அமைச்சர், ஆளுநர் ஆகியோருடன் ஆலோசனை மேற்கொண்டார்.
இந்த தாக்குதல் சம்பவம் தொடர்பாக ராஜ்நாத் சிங்குடன் பிரதமர் நரேந்திர மோடி ஆலோசனை மேற்கொண்டார். அடுத்தக் கட்ட நடவடிக்கை குறித்து விவாதிக்கப்பட்டதாக கூறப்படுகிறது. மேலும், உள்துறை, பாதுகாப்புத்துறை, உளவுத்துறை, எல்லைப்பாதுகாப்புத்துறை ஆகிய அதிகாரிகளுடன் ராஜ்நாத் சிங் ஆலோசனை மேற்கொண்டார்.
இதனிடையே ராணுவ தளபதி தல்பீர்சிங் சுஹாக், பாதுகாப்புத்துறை அமைச்சர் மனோகர் பாரிக்கரும் காஷ்மீர் விரைந்துள்ளனர்.