.

www.pungudutivuswiss.com

வழமைக்குத் திரும்பிய பிரான்ஸ்! - இல்-து-பிரான்சுக்குள் பதிவான உயிரிழப்புக்கள்

நேற்று திங்கட்கிழமையுடன் பிரான்ஸ் ஓரளவு வழமைக்குத் திரும்பியிருந்தது. தொடருந்து நிலையங்கள் கட்டுப்பாட்டை மீறி பலத்த நெரிசலை சந்தித்திருந்தது.

இந்நிலையில், பிரான்சில் கடந்த 24 மணிநேரத்தில் கொரோனா வைரஸ் காரணமாக 263 பேர் சாவடைந்திருந்தனர். இதில் இல்-து-பிரான்சுக்குள் 55 பேர் சாவடைந்துள்ளனர். பிராந்திய சுகாதார நிறுவனம் (l'Agence régionale de Santé) வெளியிட்டுள்ள தகவல்களின் படி, இதுவரை இல்-து-பிரான்சுக்குள் 6,534 பேர் சாவடைந்துள்ளனர். கடந்த சில நாட்களாக குறைவடைந்திருந்த சாவு எண்ணிக்கை, நேற்றைய நாளில் 55 ஆக பதிவானது.

அதேவேளை, அவசர சிகிச்சைப்பிரிவில் அனுமதிக்கப்பட்டுள்ளவர்களின் எண்ணிக்கை 1,137 ஆக உள்ளது. ஞாயிற்றுக்கிழமை இந்த எண்ணிக்கை 1,182 ஆக இருந்தது.