தமிழ் மக்களுக்குத் தேவையான உதவிகளை வழங்குவதற்கு நாம் தயாராக இருப்பதாக இந்தியாவின் முன்னாள் நிதி அமைச்சர் ப.சிதம்பரம் தெரிவித்துள்ளார்.
இரண்டு நாள் சுற்றுப்பயணம் மேற்கொண்டு நேற்று இலங்கை வந்தடைந்த அவர் இன்று யாழ்ப்பாணத்திற்கான விஜயத்தில் ஈடுபட்டிருந்தார்.இந்த நிலையில் வடமாகாண முதலமைச்சரைச் சந்தித்த பின்னர் ஊடகங்களுக்குக் கருத்துத் தெரிவிக்கும் போதே அவர் இதனைத் தெரிவித்தார்.
அவர் கருத்துத் தெரிவிக்கையில்,
நாட்டில் தற்போது அமைதி ஏற்பட்டிருக்கின்றது. இந்த நிலையில் தமிழ் மக்களுக்கு உதவிகளைச் செய்வதற்கு நாம் தயாராக இருக்கின்றோம்.
உண்மையில் வடமாகாண முதலமைச்சர் பழுத்த அறிவுடையவர். அவரிடம் நிதானமும், ஆற்றலும் சிறப்பாகவே இருக்கின்றது எனவும் அவர் குறிப்பிட்டுள்ளார்.
