சுமார் 50 ஆண்டுகளில் ரஷ்யாவின் முதல் நிலவுப் பயணம் தோல்வியடைந்துள்ளதாக ரஷ்யாவின் விண்வெளி நிறுவனம் தெரிவித்துள்ளது.
ரஷ்யாவின் விண்வெளி நிறுவனமான ரோஸ்கோஸ்மோஸ் இன்று ஞாயிற்றுக்கிழமை தனது லூனா-25 விண்கலம் கட்டுப்பாடற்ற சுற்றுப்பாதையில் சுழன்று நிலவில் விழுந்ததாக தெரிவித்துள்ளது.
இந்த பணியானது ரஷ்யாவின் புதிய சந்திர திட்டத்தின் முதல் கட்டமாகும் மற்றும் 1976 ஆம் ஆண்டுக்குப் பிறகு மாஸ்கோவின் நிலவுக்கான முதல் பயணமாகும்.
ரோஸ்கோஸ்மோஸ் நிறுவனம் நேற்று சனிக்கிழமையன்று லாண்டரைத் தரையிறங்குவதற்கு முதல் சுற்றுப்பாதையில் கொண்டு வருவதற்கான நடவடிக்கையின் போது விண்கலத்தில் அசாதாரண சூழ்நிலை இருப்பதாகக் கூறியது.
ஆனால் இன்று ஞாயிற்றுக்கிழமை விண்கலம் நிலவின் மேற்பரப்பில் மோதியதைத் தொடர்ந்து லேண்டர் இல்லாமல் போய்விட்டது.
தரையிறக்கத்தின் போது தானியங்கி நிலையத்தில் ஒரு திட்டமிடப்படாத சூழ்நிலை ஏற்பட்டது. இது கொடுக்கப்பட்ட கட்டுப்பாடுகளை அதிமதிக்க வில்லை என்று கூறப்பட்டது.
காரணத்தை கண்டறிய நிபுணர்கள் சம்பவம் குறித்து விசாரணை நடத்தி வருகின்றனர் என ரோஸ்கோஸ்மோஸ் கூறினார்.
இந்த லாண்டர் சந்திரனில் ஆய்வு செய்வதற்காக நாளை திங்கள்கிழமை நிலவின் தென் துருவத்தின் அருகே தரையிறக்குவதாக இருந்தது. அதன் பணிகளில் நீரைத் தேடுவதும் இருந்தது, ரஷ்யா 2040 க்குள் சந்திரனில் ஒரு தளத்தை நிறுவுவதை நோக்கமாகக் கொண்டுள்ளது.
ரஷ்யாவின் தூர கிழக்கு பிராந்தியத்தில் உள்ள வோஸ்டோச்னி காஸ்மோட்ரோமில் இருந்து கடந்த வாரம் ரொக்கெட் புறப்பட்டது.
ரோஸ்கோஸ்மோஸ் முதலில் சந்திர திட்டத்தில் ஐரோப்பிய விண்வெளி ஏஜென்சியுடன் (ESA) ஒத்துழைத்தார். இருப்பினும், பிப்ரவரி 2022 இல் உக்ரைன் மீதான ரஷ்யாவின் முழு அளவிலான படையெடுப்பிற்குப் பிறகு, ESA மாஸ்கோவுடன் தனது பணியை முடித்தது.
