ரொறன்ரோ இடைத்தேர்தல் - இரண்டு தொகுதிகளிலும் லிபரல் வெற்றி

Jaffna Editor

ரொறன்ரோவில் நேற்று முன்தினம் இடைத்தேர்தல் நடந்த இரண்டு தொகுதிகளிலும், லிபரல் கட்சி வெற்றி பெற்றுள்ளது.

யோர்க் மத்திய தொகுதியில், 8253 வாக்குகளைப் பெற்று, லிபரல் கட்சி வேட்பாளர் வெற்றி பெற்றுள்ளார். இவரை எதி்ர்த்துப் போட்டியிட்ட, கன்சர்வேட்டிவ் கட்சி வேட்பாளர் 7552 வாக்குகளை பெற்றுள்ளார். 70,434 வாக்காளர்களைக் கொண்ட இந்த தொகுதியில், 25.64 வீதமான வாக்காளர்களே வாக்களித்துள்ளனர்.

அதேவேளை, ரொறன்ரோ மத்திய தொகுதியில், லிபரல் கட்சி வேட்பாளர், 10 579 வாக்குகளைப் பெற்று வெற்றி பெற்றுள்ளார். அவரை எதிர்த்துப் போட்டியிட்ட பசுமைக் கட்சியின் தலைவர் அன்னமி போல் 8250 வாக்குகளைப் பெற்றார். 81 400 வாக்காளர்களைக் கொண்ட இந்த தொகுதியிலும், 31 வீதமான வாக்குகளே பதிவாகியுள்ளன.