பால் குறிப்பிடப்படாத உடைய ஒன்ராரியோவின் சுகாதார அட்டைகளைக் கனேடியக் கடவுச்சீட்டைப் பெற்றுக்கொள்ளப் பயன்படுத்த
முடியாது என்பது தெரியவந்ததை அடுத்து, இது தொடர்பாக முடிவொன்றை எடுப்பதற்கு ஒன்ராரியோ அரசு மத்திய அரசுடன் அவசரப் பேச்சுவார்த்தைகளை ஆரம்பித்துள்ளது.
ஒன்ராயோ சாரதி அனுமதிப்பத்திரம் இல்லாதோர், கனேடியக் கடவுச்சீட்டைப் பெற்றுக்கொள்ள விண்ணப்பிக்கும் போது தமது அடையாளத்தினை உறுதிப்படுத்த ஒன்ராரியோ சுகாதார அட்டைகளைப் பயன்படுத்த முடியும். ஆயினும் பால் குறிப்பிடப்படாத (gender-neutral ) ஒன்ராரியோ சுகாதார அட்டைகளை கனேடிய கடவுச்சீட்டிற்காகப் பயன்படுத்தமுடியாது என கனேடிய கடவுச்சீட்டுத் திணைக்களம் அறிவித்துள்ளது. இதன் காரணமாக ஒன்ராரியோ சுகாதார அட்டைகளை நிர்வகிக்கும் ServiceOntario, மத்திய அரசுடன் பேச்சுவார்த்தைகளை ஆரம்பித்துள்ளது.
ஒருவரது சகல விபரங்களையும் உள்ளடக்கிய பற்றுச்சீட்டு ஒன்றை ஒன்ராரியோ சுகாதார அட்டைகளுடன் வழங்கமுடியும் என்றும், இப் பற்றுச்சீட்டு வின்ணப்பதாரிகளின் பாலினம் உட்பட சகல விபரங்களையும் உள்ளடக்கி இருக்கும் எனவும் ஒன்ராரியோவின் சுகாதார அமைச்சர் Eric Hoskins கூறினார்.
சுகாதார அட்டைகளிற்கான பற்றுச்சீட்டு இல்லாதவர்கள் அவற்றை ServiceOntario இல் பெற்றுக் கொள்ளலாம் எனவும் அமைச்சர் கூறினார்.
