25 January, 2022, Tue 20:29 | views: 6255
தொடர்ந்து கொரோனாச் சாவுகளும் தொற்றுக்களும் என்றுமில்லாத அளவு உச்சம் நோக்கிச் சென்ற வண்ணமே உள்ளன.
கடந்த 24 மணிநேரத்தில் என்றுமே இல்லாதவாறு 501.635 பேரிற்குக் கொரோனத் தொற்று உறுதி செய்யப்பட்டுள்ளது. தொற்று ஆரம்பித்ததில் இருந்து, பதினேழு மில்லியனைத் தாண்டி 17.302.548 பேரிற்குக் கொரோனாத் தொற்று உறுதி செய்யப்பட்டுள்ளது.
மீண்டும் கடந்த 24 மணிநேரத்தில் அதிர்ச்சியேற்படுத்தும் விதமாக 467 பேர் சாவடைந்துள்ளனர். இதனுடன் பிரான்சில் மொத்தமாக 129.489 பேர் கொரோனாவினால் சாவடைந்துள்ளனர்.
ஒரு இலட்சத்தினையும் தாண்டி 102.086 பேர் வைத்தியசாலைகளிலும், 27.403 பேர் சமூக மற்றும் முதியோர் இல்லங்களில் சாவடைந்துள்ளனர்.
மருத்துவமனைகளில் 30.189 பேர் கொரோனாத் தொற்றினால் அனுமதிக்கப்பட்டுள்ளனர். இதில் 3.741 பேர் உயிராபத்தான நிலையில் தீவிரசிகிச்சைப் பிரிவில் அனுமதிக்கப்பட்டுள்ளனர். இது அன்றாடம் பெருமளவில் அதிகரித்துச் செல்கின்றது.
தேசிய அளவிலான தொற்று விகிதமானது, திடீரென பெரும் உச்சமடைந்து 100.000 பேரிற்கு 50 இனைத் தாண்டினாலே பெரும் எச்சரிக்கை நிலை எனும் நிலையில், உச்ச ஆபத்தாக நாளிற்கு நாள் அதிகரித்து 100.000 பேரிற்கு 3.726.43 என்ற விகிதத்தில் உள்ளது.
நாளிற்கு நாள் அதிகரித்து, வைத்தியசாலைகளின் அழுத்தம் 75 சதவீதமாக உச்சமடைந்துள்ளது.
