இலங்கை சிறைகளில் இருந்து முதல் கட்டமாக 30 தமிழ் அரசியல் கைதிகள் இன்று பிணையில் விடுவிக்கப்படுகின்றனர். இலங்கை அரசு அளித்த வாக்குறுதியின் படி செயல்படவில்லை எனக் கூறி 200-க்கும் மேற்பட்ட கைதிகள் சிறைகளில் மீண்டும் உண்ணாவிரதப் போராட்டம் தொடங்கியுள்ள நிலையில், இந்த நடவடிக்கை மேற்கொள்ளப்பட்டுள்ளது.
இதனிடையே, வரும் 20-ம் தேதிக்குள் மேலும் 31 தமிழ் அரசியல் கைதிகள் விடுவிக்கப்படவுள்ளதாக எதிர்கட்சித் தலைவர் சம்பந்தன் தெரிவித்துள்ளார்.
இலங்கை சிறைகளில், தீவிரவாத தடுப்புச் சட்டத்தின் கீழ் ஏராளமான தமிழர்கள் அரசியல் கைதிகளாக சிறைவைக்கப்பட்டுள்ளதாக அங்குள்ள தமிழ் அரசியல் தலைவர்கள் தெரிவிக்கின்றனர்.
