ஐ.பி.எல். தொடரின் அரையிறுதியாட்டத்தில் சன் ரைசர்ஸ் ஐதராபாத் மற்றும் கொல்கத்தா நைட் ரைடர்ஸ் அணிகள் மோதின. நாணய சுழற்சியில்
வென்ற கொல்கத்தா அணி முதலில் பந்துவீச தீர்மானித்தது.
இதனையடுத்து விளையாடிய ஐதராபாத் அணி 20 ஓவர்கள் முடிவில் 8 விக்கெட் இழப்பிற்கு 162 ஓட்டங்கள் எடுத்தது. அந்த அணியில் யுவராஜ் சிங் அதிகபட்சமாக 30 பந்துகளில் 44 ஓட்டங்கள் எடுத்து ஆட்டமிழந்தார். ஹென்ரிகியூஸ் 31 ஓட்டங்கள் எடுத்தார்.
குல்தீப் யாதவ் 3 விக்கெட்டுக்களையும், மோர்கல் மற்றும் ஹோல்டர் தலா 2 விக்கெட்டுக்களைச் சாய்த்தனர். இதனையடுத்து 163 ஓட்டங்கள் என்ற வெற்றி இலக்குடன் கொல்கத்தா அணி களமிறங்கியது.
20 ஓவர்கள் முடிவில் கொல்கத்தா அணி 8 விக்கெட் இழப்பிற்கு 140 ஓட்டங்கள் மட்டுமே எடுத்தது. இதனால் ஐதராபாத் அணி 22 ஓட்டங்கள் வித்தியாசத்தில் வெற்றிபெற்றது. கொல்கத்தா அணியில் மணிஷ் பாண்டே அதிகபட்சமாக 36 ஓட்டங்கள் எடுத்து ஆட்டமிழந்தார். புவனேஸ் குமார் 3 விக்கெட்டுக்களை சாய்த்தார்.
ஐதராபாத் அணியில் 2 விக்கெட்டுக்களையும், 31 ஓட்டங்களையும் எடுத்த ஹென்ரிகியூஸ் ஆட்டநாயகனாக தேர்வுசெய்யப்பட்டார்.
இந்த தோல்வியின் மூலம் தொடரில் இருந்து கொல்கத்தா அணி வெளியேறியுள்ளது. ஐதராபாத் அணி வெள்ளிக்கிழமை நடைபெறும் தகுதிச் சுற்று 2 ஆட்டத்தில் குஜராத்துடன் மோதுகின்றது.
அந்தப் போட்டியில் வெற்றி பெறும் அணி மே 29ஆம் திகதி ஞாயிற்றுக்கிழமை நடைபெறும் இறுதிப் போட்டியில் பெங்களூர் ராயல் சேலஞ்சர்ஸ் அணியை சந்திக்கிறது.
