ஐரோப்பிய ஒன்றியத்திலிருந்து இங்கிலாந்து விலக வேண்டும் என 52 சதவீதம் மக்களும், நீடிக்க வேண்டும் என 48 சதவீதம் மக்களும் வாக்களித்துள்ளனர்.
அதிகமான மக்கள் விலக வேண்டும் என வாக்களித்திருப்பதால் இங்கிலாந்து ஐரோப்பிய ஒன்றியத்திலிருந்து விலகுவது உறுதியாகியுள்ளது.
இந்நிலையில், இந்த தேர்தல் வெற்றி குறித்து கருத்து தெரிவித்துள்ள பாராளுமன்ற உறுப்பினரான நிகல் பேரஜ் , ஒரு போரில் வெற்றியடைந்து போன்று உள்ளதாக உணர்கிறேன், இந்த வெற்றியானது உண்மையான மக்கள், சாதாரண மக்கள் மற்றும் ஒழுக்கம் நிறைந்த மக்களுக்கு கிடைத்த வெற்றியாக கருதுகிறேன்.ஊழல், பொருளாதாரம், அரசியல் பிரச்சனைகள் போன்றவற்றோடு போராடிக்கொண்டிருந்த எங்களுக்கு தற்போது வெற்றி கிடைத்துவிட்டதால், இங்கிலாந்து நாடு நேர்மையான பாதையில் இனி பயணிக்கும்.
எவ்வித நாடுகளின் ஆதரவும் இன்றி, தனி நாடாக போராடி இந்த வெற்றியினை பெற்றுள்ளோம். ஜூன் 23 ஆம் திகதி தான் இங்கிலாந்து வரலாற்றில் சுதந்திரம் கிடைத்த நாளாக கொண்டாடப்படவேண்டும் எனவும் கூறியுள்ளார்.
