சந்திரயான்-3 விண்கலத்தின் செயல்பாடுகள் குறித்து இஸ்ரோ விஞ்ஞானிகள் தொடர்ந்து தகவல்களை வெளியிட்டு வருகின்றனர். அந்தவகையில், நிலவின் மேற்பரப்பில் உள்ள வெப்பநிலையை ஆய்வு செய்கிறது சந்திரயான் 3-யின் விக்ரம் லேண்டர் என்றும் விக்ரம் லேண்டரில் உள்ள 10 சென்சார் கருவிகள் மூலம் வெப்பநிலை ஆய்வு செய்யப்படுகிறது எனவும் இஸ்ரோ தெரிவித்துள்ளது.
மேலும், விக்ரம் லேண்டரில் உள்ள நிலவின் மேற்பரப்பை பரிசோதிக்கும் கருவி அனுப்பிய முதல்நிலை "கிராப்"-ஐ இஸ்ரோ தனது எக்ஸ் தளத்தில் பகிர்ந்துள்ளது. நிலவின் வெப்பநிலையை தொடர்ந்து கண்காணித்து வருவதாகவும் இஸ்ரோ தகவல் தெரிவித்துள்ளது. நிலவின் மேற்பரப்பில் 10 சென் டி மீட்டர் வரை துளைத்து ஆய்வு செய்யும் திறன் உடையது விக்ரம் லேண்டர் என்பது குறிப்பிடத்தக்கது.
