எப்.ஏ. கோப்பை: மான்செஸ்டர் யுனைடெட் அணியை வீழ்த்தி மான்செஸ்டர்
கைப்பற்றியது இங்கிலாந்தில் உள்ள கிளப் அணிகளுக்கு இடையில் நடத்தப்படும் எப்.ஏ. கோப்பைக்கான கால்பந்து தொடரின் இறுதிப் போட்டி நேற்று இரவு விம்ப்ளே மைதானத்தில் நடைபெற்றது. இதில் மான்செஸ்டர் சிட்டி- மான்செஸ்டர் யுனைடெட் அணிகள் பலப்பரீட்சை நடத்தின. ஆட்டத்தின் முதல் பாதியிலேயே மான்செஸ்டர் யுனைடெட் அணிக்கு அதிர்ச்சி காத்திருந்தது. முதல் நிமிடத்திலேயே மான்செஸ்டர் சிட்டி வீரர் லிகாய் குன்டோகான் முதல் கோலை பதிவு செய்தார். இதனால் மான்செஸ்ட்ர் சிட்டி 1-0 என முன்னிலைப் பெற்றது. Also Read - பி.எஸ்.ஜி. கிளப்பை விட்டு வெளியேற மெஸ்சி முடிவு - பயிற்சியாளர் தகவல் பின்னர் 31-வது நிமிடத்தில் மான்செஸ்டர் யுனைடெட் பெனால்டி வாய்ப்பு கிடைத்தது. இதை பயன்படுத்தி புருனோ பெர்னாண்டஸ் கோல் அடித்தார். இதன் காரணமாக முதல் பாதி ஆட்டத்தில் இரு அணிகளும் தலா ஒரு கோல்களுடன் சமநிலையில் இருந்தன. 2-வது பாதி நேரம் ஆட்டம் தொடங்கியதும் மான்செஸ்டர் சிட்டி கைதான் ஓங்கியிருந்தது. 51-வது நிமிடத்தில் மீண்டும் குன்டோகான் கோல் அடிக்க மான்செஸ்டர் சிட்டி 2-1 என முன்னிலைப் பெற்றது. அதன்பின் மான்செஸ்டர் யுனைடெட் அணியால் கோல் அடிக்க முடியவில்லை. Also Read - எம்பாப்பேக்கு நான்காவது முறையாக சிறந்த கால்பந்து வீரர் விருது' இறுதியில் மான்செஸ்டர் சிட்டி வெற்றி பெற்று கோப்பையை கைப்பற்றியது. இந்த வெற்றியின் மூலம் 7-வது முறையாக மான்செஸ்டர் சிட்டி எப்.ஏ. கோப்பையை வென்றுள்ளது.
