நடிகர் கமல்ஹாசன் கடந்த சில மாதங்களுக்கு முன் அரசியல் கட்சி தொடங்கப் போவதாக அறிவித்து, தமிழக அரசியலில் பரபரப்பை ஏற்படுத்தினார். இதையடுத்து, தனது கட்சி தொடர்பாக ரசிகர் மன்ற நிர்வாகிகள் மற்றும் இதர அதிகாரிகளிடம் ஆலோசனை நடத்தினர்.
நாளை துவங்கவுள்ளது நம் நெடும் பயணம். நாளை மாலை 6 மணிக்கு மதுரை ஒத்தக்கடை மைதானத்தில் ஒரு மாபெரும் பொதுக்கூட்டத்தில் நமது கட்சிக் கொடியை ஏற்றவுள்ளேன். புதிய கட்சியின் பெயரையும் எமது கொள்கையின் சாராம்சத்தையும் விளக்கவுள்ளேன். வருக வருக புது யுகம் படைக்க
இதனிடையே, பிப்ரவரி 21 ஆம் தேதி தனது கட்சிக் கொடியையும்,கொள்கையையும் அறிவிக்க உள்ளதாக கடந்த மாதம் தெரிவித்திருந்தார்.இதனையடுத்து, இன்று மதுரை ஒத்தக்கடை வேளாண் கல்லூரியில் நடைபெறும் மாபெரும் பொதுக்கூட்டத்தில் மாலை 6 மணிக்கு கட்சிக் கொடி, பெயர் மற்றும் கொள்கைகளை நடிகர் கமல் அறிவிக்க உள்ளார்.
முன்னதாக, ராமேஸ்வரத்தில் உள்ள மறைந்த முன்னாள் முதல்வர் அப்துல்கலாம் அவர்களின் வீட்டிற்குச் சென்று, அப்துல்கலாமின் மூத்த சகோதரரிடம் ஆசி பெற உள்ளார். பின்னர், அப்துல்கலாம் அவர்களின் நினைவு மண்டபத்திற்கு சென்று அவருக்கு அஞ்சலி செலுத்தி தனது அரசியல் பயணத்தை நடிகர் கமல் தொடங்க உள்ளார்.
