உயிரிழந்தவர்களின் எண்ணிக்கை இன்னும் உறுதி செய்யப்பட்டு வருகிறது. உயிரிழந்த ஒன்பது பேரில் எட்டு வயது சிறுமி ஒருவரும் உறுதிப்படுத்தப்பட்டுள்ளது.
ஆயுத நிபுணர் ஒருவர் 10கிராம் தொடக்கம் 20 கிராம் வரையான இராணுவ தர உயர் வெடிமருந்துகள் பேஜரில் நிரம்பியிருக்கலாம். என்று கூறினார்.
வெடிமருந்து போலியான மின்னணு பாகத்திற்குள் மறைத்து வைக்கப்பட்டிருக்கலாம்
பெரும்பாலும் முகம், கைகள் மற்றும் வயிற்றில் காயங்கள் ஏற்பட்டுள்ளன.
இத்தாக்குதலுக்கு இஸ்ரேலைக் குற்றம் சாட்டிய ஹிஸ்புல்லா அந்நாட்டிற்கு நியாயமான தண்டனை கிடைக்கும் என்று கூறினர்.
இஸ்ரேல் இன்னும் கருத்து தெரிவிக்கவில்லை.
லெபனான் முழுவதும் நடத்தப்படும் தாக்குதல்களுக்குப் பின்னால் இஸ்ரேலின் மொசாட் இருப்பதாகக் குற்றம் சாட்டப்பட்டுள்ளது. இதற்கு பதிலடி வழங்கப்படும் எனவும் ஹிஸ்புல்லா தெரிவித்தது.
ஹிஸ்புல்லாவின் தலைவர் கடந்த பிப்ரவரியில் உறுப்பினர்களுக்கு மொபைல் போன்களைப் பயன்படுத்துவதை நிறுத்த உத்தரவிட்டார். அவர்கள் இஸ்ரேலிய உளவுத்துறையால் கண்காணிக்கப்படலாம் என்று எச்சரித்தார்.
இதனைத் தொடர்ந்து புதிய பெயரினான பேஜரை லெபனானில் ஹிஸ்புல்லா இறக்குமதி செய்தபோது அந்த விநியோகச் சங்கிலியில் இடையே பேஜர்களில் வெடிமருந்து பொருத்தப்பட்டுள்ளன. இது ஒரு நீண்டகால் திட்டமிடலுடன் செய்யப்பட்டுள்ளது என நிபுணர்கள் தெரிவித்துள்ளனர்.
குண்டுவெடிப்புக்கு முன்னர் பேஜர்கள் சூடுபிடித்ததாக சிலர் உணர்ந்ததாக ஹிஸ்புல்லா அதிகாரி ஒருவர் தெரிவித்தார்.
கிட்டத்தட்ட 3000 பேஜர்கள் வழங்கப்பட்டதாகவும் அவை பெரும்பாரும் ஹிஸ்புல்லா அமைப்பின் பொறுப்பு நிலையில் உள்ளவர்கள் வைத்திருந்தாகவும் கூறப்படுகிறது.
லெபனான் மீதான தீவிரவாத தாக்குதலுக்கு ஈரான் கண்டனம் தெரிவித்துள்ளது. லக்ட்ரானிக் பேஜர் வெடித்ததில் லெபனானுக்கான ஈரான் தூதர் மொஜ்தபா அமானி லேசான காயம் ஏற்பட்டது.
அமானிக்கு உடனடி மருத்துவ சிகிச்சை அளித்த லெபனானுக்கு நன்றி தெரிவித்ததாக ஈரானிய அரசு ஊடகம் தெரிவித்துள்ளது.ஆயிரம் Pager வெடிக்கவைத்து தாக்குதல்… லெபனானில் பயங்கரம்.. 9 பேர் பலி!
லெபனானில் pager தாக்குதல் நடைபெற்றுள்ளது. இந்த தாக்குதல் சம்பவத்தில் 2,750 பேர் வரை காயமடைந்துள்ளனர்.
இதில் சுமார் 200 பேர் ஆபத்தான நிலையில் வைத்தியசாலையில் அனுமதிக்கப்பட்டுள்ளனர்.
அதேபோல், ஹிஸ்புல்லா இயக்கத்தச் சேர்ந்தவர்கள் ஆயிரக் கணக்கில் இந்த சம்பவத்தில் காயமடைந்துள்ளதாகத் தெரிவிக்கப்படுகின்றது.
இஸ்ரேல் மற்றும் பாலஸ்தீனத்தின் ஹமாஸ் போராளிகளுக்கு இடையே கடந்த ஆண்டு அக்டோபர் மாதம் 7ம் திகதி ஆரம்பமான போர் தொடர்ந்தும் இடம்பெற்று வருகின்றமை குறிப்பிடத்தக்கது.
இந்தப் போரில் இதுவரை, பல ஆயிரம் பேர் உயிரிந்துள்ளனர்.
இந்நிலையில் இன்று ஈரான் ஆதரவு பெற்ற லெபனானின் ஆயிரம் இடங்களில் இன்று சிறிய பேஜர் கருவிகளைக் கொண்டு தாக்குதல் நடந்ததாக தகவல்கள் வெளியாகியுள்ளன.
அலைபேசிகளை விடவும் பேஜர்களின் பட்டரிகள் நீண்ட ஆயுளைக் கொண்டது என்பது குறிப்பிடத்தக்கது.
இதனால் சில தொழில்முறை தேவைகளுக்கு பேஜர்கள் பயன்படுத்தப்பட்டு வருகின்றன.
பேஜர்களில் பயன்படுத்தப்படும் லித்தியம் பட்டரிகளை இஸ்ரேலிய படையினர் வெடிக்கச் செய்துள்ளதாக தெரிவிக்கப்படுகின்றது.
இந்த பட்டரிகள் சுமார் 590 பாகை செல்சியஸ் அளவில் வெப்பமடைந்தால் வெடிக்கும் எனத் தெரிவிக்கப்படுகின்றது.
பேஜர்கள் குறுஞ்செய்திகளை அனுப்பி வைப்பதற்காக பயன்டுத்தப்படுகின்றது.
அலைபேசி வலையமைப்புக்கள் தொழிற்படாத சந்தர்ப்பங்களிலும் பேஜர்களைக் கொண்டு தகவல்களை பரிமாறிக்கொள்ள முடியும் என்பது குறிப்பிடத்தக்கது.
வானொலி அலைகளைக் கொண்டு இந்த பேஜர்கள் இயங்குகின்றன.
தகவல்களை இரகசிமாக பரிமாறிக்கொள்ளவும் இந்த பேஜர்கள் பயன்படுத்தப்பட்டு வருகின்றமை குறிப்பிடத்தக்கது.
இவ்வாறான விசேட தொழில்நுட்பத்தைப் பயன்படுத்தி பேஜரின் பாதுகாப்பு கட்டமைப்பினை ஊடறுத்து லெபனானில், இஸ்ரேல் படையினர் பேஜர்களை வெடிக்கச் செய்துள்ளனர்.
