www.pungudutivuswiss.comநாங்கள் வெற்றி பெறப் போகிறோம். அனைவருக்கும் நன்றி.
காலை 8.45 மணி நேரப்படி நிலவரம்
2025 பிஹார் சட்டமன்ற தேர்தல்
தேசிய ஜனநாயகக் கூட்டணி - 90 இடங்கள் - முன்னிலை
இந்தியா கூட்டணி - 64 இடங்கள் - முன்னிலை
ஜன் சுராஜ் கட்சி - 4 இடங்கள் - முன்னிலை
மற்றவை - 5 இடங்கள் - முன்னிலை
தேஜஸ்வி யாதவ் முன்னிலை
தொடக்க நிலவரம் - ராக்கோபூர் தொகுதியில் தேஜஸ்வி யாதவ் முன்னிலை
அலிநகர் தொகுதியில் பாடகி மைதிலி தாக்கூர் முன்னிலை!
பீகாரின் தர்பங்காவில் உள்ள ஒரு முக்கிய தொகுதியான அலிநகர், கடுமையான தேர்தல் போர்களின் வரலாற்றைக் கொண்டுள்ளது. இந்தத் தேர்தலில், நாட்டுப்புற பாடகியும் பாஜக கலாச்சார தூதருமான மைதிலி தாக்கூர் (25) தனது அரசியல் பயணத்தை இந்த தொகுதியில் இருந்து தொடங்குகிறார்.
மதுபனி மாவட்டத்தைச் சேர்ந்த 25 வயதான மைதிலி, நாட்டுப்புறப் பாடல்களால் பிரபலமானவர். 2017ஆம் ஆண்டில், இளம் பாடகி ரைசிங் ஸ்டார் என்ற பாடல் ரியாலிட்டி ஷோவில் இரண்டாம் இடத்தைப் பிடித்தவராக முக்கியத்துவம் பெற்றார். 2021ஆம் ஆண்டு உஸ்தாத் பிஸ்மில்லா கான் யுவபுரஸ்கார் விருதையும் பெற்றுள்ளார். மைதிலியின் பிரபலத்தால் மிதிலாஞ்சல் பகுதியில் பாஜகவுக்கு பெரும் ஆதரவு கிடைக்கும் என கட்சி நம்புகிறது.
மகுவா தொகுதியில் தேஜ் பிரதாப் முன்னிலை
பிகாரின் முன்னாள் முதல்வர்கள் லாலு பிரசாத் யாதவ் மற்றும் ராப்ரி தேவி ஆகியோரின் மூத்த மகனான தேஜ் பிரதாப், சில மாதங்களுக்கு முன்பு ராஷ்ட்ரிய ஜனதா தளம் கட்சியிலிருந்து நீக்கப்பட்டார். அதன் பிறகு, அவர் ஜனசக்தி ஜனதா தளம் என்ற புதிய கட்சியைத் தொடங்கினார். நடைபெற்றுள்ள பிகார் சட்டமன்றத் தேர்தலில், மஹுவா தொகுதியில் இருந்து தேஜ் பிரதாப் யாதவ் போட்டியிட்டுள்ளார்.
தேசிய ஜனநாயகக் கூட்டணி 125 இடங்களில் முன்னிலை
காலை 9 மணி நேரப்படி நிலவரம்
2025 பிஹார் சட்டமன்ற தேர்தல்
தேசிய ஜனநாயகக் கூட்டணி - 131 இடங்கள் - முன்னிலை
இந்தியா கூட்டணி - 88 இடங்கள் - முன்னிலை
ஜன் சுராஜ் கட்சி - 5 இடங்கள் - முன்னிலை
மற்றவை - 6 இடங்கள் - முன்னிலை
தாராப்பூர் தொகுதியில் சாம்ராட் சவுத்ரி முன்னிலை!
துணை முதல்வர் சாம்ராட் சவுத்ரி தாராப்பூர் தொகுதியில் முன்னிலை பெற்று வருகிறார்.
“சாம்ராட் சவுத்ரியை வெற்றி பெற செய்யுங்கள். தேர்தல் முடிந்ததும், அவரை மிகப்பெரிய ஆளாக மாற்றி உயர்ந்த இடத்தில் பிரதமர் மோடி வைப்பார்” என்று சவுத்ரிக்கு ஆதரவாக அமித்ஷா தேர்தல் பரப்புரையின் போது பேசியிருந்தார்.
முன்னிலையில் மெஜாரிட்டியை தாண்டிய என்.டி.ஏ
வெற்றிக்கு தேவையான 122 இடங்களுக்கு மேல் தேசிய ஜனநாயக கூட்டணி முன்னிலை பெற்றுள்ளது.
தற்போதைய நிலவரப்படி பாஜக 81 இடங்களிலும், ஐக்கிய ஜனதா தளம் 64 இடங்களிலும் முன்னிலையில் இருந்துவருகின்றன..
