உலகமே ஆச்சரியப்படும் வகையில், இங்கிலாந்தின் புகழ்பெற்
ற வெளிநாட்டு உளவு அமைப்பான MI6, ஒரு புதுமையான ரகசியத் திட்டத்தை அரங்கேற்றியுள்ளது. ரஷ்யா உள்ளிட்ட பகைமை நாடுகளில் இருந்து உளவு பார்க்க ஆள் சேர்க்க, “டார்வெப்” (Dark Web) எனப்படும் இணையத்தின் ரகசியப் பகுதியை, முதல்முறையாக MI6 பயன்படுத்தத் தொடங்கியுள்ளது.“சைலன்ட் கூரியர்” (Silent Courier) என்ற பெயரில் உருவாக்கப்பட்ட இந்த ரகசிய இணையதளம், பயங்கரவாத அல்லது எதிரி உளவு நடவடிக்கைகள் குறித்த தகவல்களைக் கொண்ட எவரும், உலகின் எந்த மூலையிலிருந்தும் பாதுகாப்பாக MI6 உடன் தொடர்பு கொள்ள வழி வகுக்கும் என்று பிரிட்டனின் வெளியுறவு அமைச்சகம் தெரிவித்துள்ளது.
டார்வெப்பின் அநாமதேய தன்மையைப் பயன்படுத்தி, உளவு வேலை பார்க்க விரும்புபவர்கள் குறித்த தகவல்களை MI6 பெற்றுக்கொள்ளும். இந்த நடவடிக்கையானது, இங்கிலாந்தின் தேசிய பாதுகாப்பிற்கு ஒரு பெரிய ஊக்கத்தை அளிக்கும் என்றும், எதிரிகளை விட ஒரு படி மேலே இருக்க உதவும் என்றும் அந்நாட்டு வெளியுறவுச் செயலர் யெவெட் கூப்பர் கூறியுள்ளார்.
இந்த ரகசிய சேவை குறித்த தகவல்களையும், அதை அணுகுவதற்கான வழிமுறைகளையும், MI6 தனது அதிகாரப்பூர்வ யூடியூப் சேனலில் வெளியிட்டுள்ளது. இந்த அதிரடித் திட்டம், சர்வதேச உளவு உலகில் பெரும் பரபரப்பை ஏற்படுத்தியுள்ளது. இது, ரஷ்யா மற்றும் பிற நாடுகளின் உளவுத்துறைகளுக்கு ஒரு நேரடி சவாலாகப் பார்க்கப்படுகிறது.
