லுஃப்தான்சாவின் துணை நிறுவனமான சுவிஸ், ஏற்கனவே இந்தியா, தாய்லாந்து, சீனா மற்றும் ஜப்பான் ஆகிய நாடுகளில் உள்ள தளங்களில் சர்வதேச கபின் பணியாளர்கள் என்று அழைக்கப்படும் சுமார் 230 பேரைப் பணியமர்த்துகிறது. இந்த ஊழியர்கள் சுவிஸ் சீருடைகளை அணிவார்கள், ஆனால், ஜப்பானிய பணியாளர்களைத் தவிர, கூட்டு தொழிலாளர் ஒப்பந்தம் இல்லை மற்றும் அவர்களின் சுவிஸ் சக ஊழியர்களை விட கணிசமாகக் குறைவாகவே சம்பளம் பெறுவதாக கூறப்படுகின்றது. நிறுவனத்தின் கூற்றுப்படி, இந்தியாவில் ஊதியம் 65,000 முதல் 106,000 ரூபாய் வரை வேறுபடுகிறது, இது மாதத்திற்கு சுமார் 580-950 பிராங்கிற்கு சமம். அதேவேளை சுவிட்சர்லாந்தில் உள்ள பணியாளர்களுக்கான ஆரம்ப சம்பளம் 3,800 பிராங்கிற்கு சற்று அதிகமாகும். அதேவேளை மொழி மற்றும் கலாச்சார அடிப்படையில் சில வழித்தடங்களில் வெளிநாட்டிலிருந்து பணியாளர்களை பணியமர்த்துவதை விமான நிறுவனம் நியாயப்படுத்துகிறதாகவும் குறிப்பிடப்பட்டுள்ளது. | 
